Fevralın 24-də Bakıda Azərbaycan-Pakistan biznes forumu keçirilib.
SİA AZƏRTAC-a istinadən xəbər verir ki, Azərbaycan Respublikasının Prezidenti İlham Əliyev və Pakistan İslam Respublikasının Baş naziri Məhəmməd Şahbaz Şərif biznes forumda çıxış ediblər.
Əvvəlcə Azərbaycan Prezidenti çıxış etdi.
- Hörmətli cənab Baş nazir, əziz qardaşım.
Xanımlar və cənablar.
Əziz qardaşım, Sizi Azərbaycanda bir daha salamlayıram. Şadam ki, Sizin dövlət səfəriniz çərçivəsində böyük şirkət nümayəndələrinin iştirakı ilə Bakı şəhərində biznes forum təşkil edilib. Forum bizim ikitərəfli gündəliyimizi əks etdirir və bu gün cənab Baş nazirlə müzakirə etdiklərimizin nümunəsidir. Biz çox məmnunuq ki, siyasi sahədə ikitərəfli münasibətlərimiz müstəsna səviyyədədir. Eyni zamanda, biz təəssüfləndik ki, ikitərəfli ticarətimiz siyasi səviyyədəki əməkdaşlığımıza uyğun gəlmir. Bu gün artıq verilən mesajlar, bizim müzakirələrimiz daha geniş çərçivə yaradacaq ki, şirkətlər arasında fəal əməkdaşlıq olsun və ticarətimiz artsın. Bizim bunda marağımız var və biz hesab edirik ki, iki ölkə arasındakı qardaşlıq münasibətləri biznes dairələri üçün yaxşı bir platforma olmalıdır. Bəzən bizim daha fəal biznes təmaslarımıza mane olan məsələ planlarımız, iqtisadi gündəliyimiz, infrastruktur layihələri ilə bağlı məlumatın olmamasıdır. Həmin boşluğu doldurmaq üçün bu cür toplantılar çox vacibdir. Çünki biznes forum çərçivəsində müxtəlif təqdimatlar keçirilir, biznes imkanları təqdim edilir, hüquqi formatlar, vergi və gömrüklə bağlı məsələlər müzakirə olunur. Bunun hamısı biznes dairələri və işgüzar insanlar üçün çox vacibdir ki, onlar yeni bazarlara daxili olsunlar. Əminəm ki, Azərbaycandakı biznes mühiti və bizim hökumətimizin səyləri sayəsində xarici və daxili sərmayənin cəlb edilməsi haqqında kifayət qədər məlumat verilib. Bu da xalqımız və dövlətimiz üçün geniş imkanlar yaradıb ki, yeni iş yerləri açılsın və zəruri infrastruktur qurulsun. Gözəl siyasi münasibətlərimiz əlbəttə ki, qarşılıqlı sərmayə səviyyəsində öz əksini tapmalıdır.
Ötən ilin yayında mənim Pakistana səfərim zamanı biz bəyan etdik ki, Azərbaycan Pakistan iqtisadiyyatına 2 milyard ABŞ dolları həcmində sərmayə yatıracaq. Bizim heyətlər bu istiqamətdə gərgin çalışıb və ötən ilin noyabrında mənim əziz qardaşımın COP29 çərçivəsində Bakıya səfəri zamanı biz bunu bir daha müzakirə etdik, konkret layihələr müəyyənləşdirdik və onlar hazırda nəzərdən keçirilir. Bu səhər də keçirdiyimiz görüşlər nəticəsində iqtisadi sektora məsul olan şəxslərə mən müvafiq təlimatlar verdim ki, onlar tezliklə Pakistana səfər etsinlər. Biz belə bir qərara gəldik ki, bir ay ərzində bütün bu işlərlə bağlı razılıqlar əldə olunsun. Ümid edirəm ki, Novruz bayramından sonra, - o, mart ayının sonuna təsadüf edir, - biz artıq əhəmiyyətli nailiyyətlər görəcəyik.
Biz enerji sahəsində də maraqlıyıq. Enerji ilə bağlı infrastruktur sahəsinə maraq göstəririk və yeri gəlmişkən, bu gün bizim enerji şirkətlərimiz bir sıra sənədlər imzalamışdır ki, bu da praktik əməkdaşlıq elementinə çeviriləcəkdir. Enerji sahəsində əməkdaşlıq,- bu gün bu sahəyə maye qaz daxildir,- əminəm ki, daha da genişlənəcək və növbəti sahələri əhatə edəcəkdir.
Eyni zamanda, biz nəqliyyat sektorunda da imkanları nəzərdən keçirdik. Azərbaycan öz ərazisində iki mühüm beynəlxalq dəhlizi təşviq edir – Şərq-Qərb və Şimal-Cənub. Azərbaycan hər iki dəhlizin marşrutu üzərində yerləşir, fəal üzvdür və bağlantı nöqtələrini yaratmaqla biz daha geniş imkanlar təqdim edə biləcəyik. Bununla bağlı nəqliyyat sahəsinə məsul olan şəxslərə müvafiq təlimatlar verilib ki, regional əməkdaşlığa daha geniş yanaşaq, limanlarımız, dəmir yolu qurumları arasında təmaslarımız yaransın və daha geniş mənada nəqliyyat sahəsində əməkdaşlıq təmin edilsin.
Eyni zamanda, biz bu gün müdafiə sənayesi sahəsində çox gözəl əməkdaşlığımızı müzakirə etdik. Biz artıq birgə istehsal müəssisələri məsələsi üzərində işləyirik. Bunun üçün çox böyük potensial var. Eyni zamanda, bizə məlumdur ki, Pakistanın çox inkişaf etmiş əczaçılıq sahəsi var. Mənə verilən məlumata görə Pakistanda istehsal olunan 90 adda məhsul Azərbaycanda qeydiyyatdan keçirilib. Bizim bu sahədə də birgə istehsal müəssisələrinin yaradılması təklifimiz olacaqdır.
Biz digər sahələrdə də çox böyük potensial görürük. Bunun üçün çox böyük əsas var. O da bizim iki ölkə arasında olan qardaşlıq və qarşılıqlı siyasi iradədir. Bunun nəticəsində biz işgüzar əlaqələrimizi də siyasi səviyyəyə bərabər inkişaf etdirə bilərik.
Bir daha, əziz qardaşım, Azərbaycana səfər etdiyinizə görə Sizə təşəkkür edirəm. Təşəkkür edirəm ki, Sizi biznesmenlərdən ibarət çox böyük nümayəndə heyəti müşayiət edir. Siz vətəninizə gəlmisiniz. Biz də, eyni zamanda, Sizin gözəl ölkənizdə olarkən özümüzü evimizdəki kimi hiss edirik. Biz əziz qardaşımla verdiyimiz bütün təlimatların tam icra olunacağına əminik. Aprel ayında sənədlərin hazır olmasını gözləyirik.
X X X
Sonra Pakistanın Baş naziri çıxış etdi.
-Təşəkkür edirəm, əziz qardaşım, Zati-aliləri İlham Əliyev, Azərbaycan Respublikasının Prezidenti.
Hörmətli nazirlər, Azərbaycanı və Pakistanı təmsil edən dövlət rəsmiləri, əlbəttə ki, olduqca məşhur şirkətləri təmsil edən iş adamları.
Xanımlar və cənablar, hər vaxtınız xeyirli olsun.
Əziz qardaşım İlham Əliyevin çox gözəl ifadə etdiyi kimi, bizim iki qardaş ölkə arasında münasibətlərimiz çox əladır, mən hətta cənab Prezidentin bu barədə dediklərinə nəsə əlavə etməyə söz tapmıram. Ancaq onu deməliyəm ki, bu münasibətlər, səmimiyyət, məqsədyönlü şəkildə irəli aparılan, qarşılıqlı etimada əsaslanan bir münasibətdir. Bunun onilliklərlə tarixi var və əlbəttə ki, iki xalq arasında rəğbət və məhəbbətə əsaslanır. Əziz qardaşım Prezident İlham Əliyevin də Pakistan xalqına və Pakistan dövlətinə böyük rəğbəti var. Mən hər zaman çalışıram ki, onun bu məsələdə əzminə bərabər səylər göstərim. Ancaq cənab Prezident hər zaman məndən öndə gedir və onun səyləri nəticəsində bu gün bu cür gözəl münasibətlərimiz var.
Bu gün biz mühüm bir nailiyyət əldə etmişik. Çox gözəl və məhsuldar görüşümüz oldu. Nümayəndə heyətləri öz aralarında görüşdülər. Biz bütün məsələləri müzakirə etdik və qərara gəldik ki, çox aydın bir fəaliyyət planımız olsun. Çox şadam ki, avqust ayında həm Pakistandan, həm də Azərbaycandan nümayəndələrin iştirak etdiyi bir tədbir təşkil ediləcək. Təəssüf olsun ki, bu gün ticarətimiz 14 milyon dollara bərabərdir və bu, qətiyyən bizim siyasi səviyyədə olan münasibətlərimizi əks etdirmir. Bu gün biz artıq bəyan edə bilərik ki, sərmayələri qısa bir zamanda 2 milyard dollar səviyyəsinə çatdıracağıq. Bu, sadəcə, bəyanat deyil. Məsələn, Pakistandan idxal olunan “Basmati” düyüsünə Azərbaycanda əziz qardaşımın tapşırığına əsasən, tətbiq edilən rüsum aradan qaldırılıbdır və əminəm ki, Azərbaycanda istehsal olunan müəyyən məhsullar var ki, biz də onların Pakistanda satışını təşviq edə bilərik. Biz tarifləri aşağı sala bilərik. Bizim kommersiya nazirimiz burada əyləşibdir.
Əlbəttə, maye qaz daha bir əmtəədir və bu məsələ də bizim ticarət gündəliyimizə daxil edilə bilər. Əlbəttə, JF17 hərbi qırıcı təyyarəmiz var və Azərbaycanla Pakistan həmin təyyarə ilə bağlı fəal işlər aparır. Xanımlar və cənablar, onu da bəyan edə bilərəm ki, biz gündəlik əsasda səylərimizi səfərbər etsək, 2 milyard dollar həcmində ticarət dövriyyəsinə nail ola bilərik.
Daha növbəti bir xəbər ondan ibarətdir ki, əziz qardaşım bunu qeyd etdi. Bu, 2 milyard dollar həcmində sərmayə bəyanatı cənab Prezidentin Pakistana sonuncu səfəri zamanı verilib və bu gün bildirdik ki, müvafiq heyətlər tərəfindən artıq bir çox gözəl işlər görülüb. Mən bu fəaliyyəti təqdir edirəm. Ancaq ortada müəyyən boşluqlar qalmaqdadır, ona görə biz son tarixi müəyyən etmişik ki, aprel ayında cənab Prezidenti İslamabadda salamlayacağıq və həmin 2 milyardla bağlı sazişlər imzalanacaq.
Onu da qeyd etməliyəm ki, əziz qardaşım, Sizə minnətdaram, bu, həqiqətən də qarşılıqlı faydalı işlər olacaqdır. Hər iki ölkə bundan fayda görəcəkdir. Ancaq biz bunu tərəfinizdən çox böyük bir jest kimi qəbul edirik və bunu heç vaxt unutmayacağıq. Eyni zamanda, mən Azərbaycan heyətinə təşəkkür etmək istəyirəm. Öz heyətimizə də təşəkkür etmək istəyirəm ki, artıq böyük işlər görülüb. Əminəm ki, Fars körfəzinin və Xəzər dənizinin suları birləşəcək. Bu, ölkələrimiz arasında mühüm bir sinerji və enerjidir. Həqiqətən də bu, bizim qardaşlıq münasibətlərimizi daha yüksək səviyyəyə, misilsiz səviyyəyə qaldıracaq.
Daha bir məsələni qeyd etmək istərdim. Zati-aliləri, Siz onu artıq qeyd etdiniz. Bu, məlumatın qıtlığıdır və ya məhdud məlumatın verilməsidir. Çünki burada işgüzar dairələr bildirməlidir ki, Azərbaycan Pakistana və Pakistan Azərbaycana nələri təqdim edə bilər, nə təklif edə bilər? Bir daha qeyd edim ki, burada tariflərlə, kənd təsərrüfatı, informasiya texnologiyaları ilə bağlı məlumat verilməlidir. Ona görə də bu gün bəyan etmək istərdim ki, biz Azərbaycanda daimi İnformasiya Məlumat Bürosu təsis edəcəyik. Bu, hər bir avadanlıqla tam təchiz edilən bir mərkəz olacaq. Burada süni intellekt vasitəsilə də Pakistan haqqında hər bir məlumat təqdim ediləcək. Əminəm ki, çox səmərəli bir layihə olacaq. Mənim həmkarlarım buradadır, məni eşidirlər. Eyni zamanda, cənab Prezident, Siz də məsul şəxslər müəyyən edəcəksiniz və bu, güclü bir mexanizm olacaq. Sadəcə, bu, bir nümunədir və bizim səylərimizə çox böyük töhfə verəcək.
Bundan əlavə, müdafiə sənayesi sahəsində əməkdaşlığa gəldikdə, bizim bu sahəmiz çox inkişaf edib. Biz uzun illərdir əməkdaşlıq edirik, ancaq zamanı yetişib ki, biz birgə istehsal müəssisələri yaradaq - Azərbaycan-Pakistan birgə müəssisələri yaradılsın. Nümayəndə heyəti tezliklə - aprel ayında Pakistana səfər edərkən bu, gündəliyimizdə duran başlıca məsələ olacaq. Əziz qardaşım, Siz Pakistana gələndə artıq biz məhz bu sahədə də müqaviləyə imzalarımızı ata biləcəyik. Şimal-Cənub dəhlizi məsələsinə gəldikdə, bizim burada səmərəli nəqliyyat sistemi olmasa, bu sahədə hədəflərimizə nail ola bilmərik. Bunun üçün isə bu gün səmərəli müzakirələrimiz olub. Bu məsələ geniş tərkibdə müzakirə edildi və biz Sizin baxışınızı tam dəstəkləyirik. Sizi əmin edirəm ki, Pakistanın Qvadar limanı bu işdə həlledici rol oynaya bilər, həm ixrac, həm də idxal baxımından. Ona görə də mən təklif edirəm ki, biz diqqətimizi bu məsələyə də yönəldək. Əziz qardaşım, Sizi əmin etmək istərdim ki, biz bu sahədə də Sizinlə çox sıx əməkdaşlıq edəcəyik.
Azərbaycanın Ticarət Palatasının İslamabadda nümayəndəliyi təsis edilib və bu da imkan verəcək ki, bizim ikitərəfli ticarətimiz inkişaf etsin. Cənab Prezident, bu da Sizin baxışınıza uyğundur və biz də Pakistan Ticarət Palatasının nümayəndəliyini Bakıda təsis edəcəyik. Bu iki palata sıx əməkdaşlıq edərək bir-birini qarşılıqlı şəkildə məlumatlandıra və potensial sərmayəçilərə də əlavə informasiya verə bilər.
Əziz qardaşım, Sizin vaxtınızı çox almaq istəmirəm. Bir daha Sizə təşəkkür etmək istəyirəm. Bu sahədə əzminizə və bu məsələyə sadiqliyinizə görə, Sizi tam səmimiyyətlə əmin etmək istərdim, mən əlimdən gələni edəcəyəm ki, Sizin əzmkarlıq səviyyənizə çatım və bu əlaqələri gücləndirim. Vaxt gələcək ki, Azərbaycan, Türkiyə və Pakistan arasında səylər üçtərəfli şəkildə müzakirə ediləcək və burada çox böyük imkanlar var. Vacib məsələ iradədir, əzmkarlıqdır, o da bizdə var. Yaşasın Azərbaycan-Pakistan dostluğu!
X X X
Prezident İlham Əliyev: Əziz qardaşım, təşəkkür edirəm. Bizim qısa – təqribən 10 dəqiqəlik təqdimatımız var. Mən ötən ilin yayında qardaş ölkəyə səfər edərkən biz cənab Baş nazirlə müzakirə apardıq ki, Azərbaycan Pakistanın müasirləşdirilməsində və müəyyən tarixi abidələrin bərpasında hansı dərəcədə iştirak edə bilər. O vaxtdan bizim heyət orada idi və Pakistan tərəfi ilə razılaşdırılmış şəkildə fəaliyyət göstərirdi. Hesab edirəm ki, bu gün o təqdimatı görmək hər kəs üçün maraqlı ola bilər. Bu, bizim qardaşlıq münasibətlərimizə verə biləcəyimiz qısa, kiçik töhfədir.
Baş nazir Məhəmməd Şahbaz Şərif: Əziz qardaşım tərəfindən İslamabada göndərilmiş ekspertlər heyətini qeyd etməyə bilmərəm. Bildiyiniz kimi, İslamabad çox gözəl şəhərdir və dağ ətəyində yerləşir. Həmin ekspertlər orada gözəl işlər görürlər. Həm bizim şəhərimizi yaşıllaşdırırlar, həm də landşaftla bağlı müəyyən işlər görürlər. Hesab edirəm ki, bu, İslamabadı daha da gözəlləşdirəcək. Əlbəttə, o, gözəllik baxımından Bakının bərabəri ola bilməz, ancaq ən azı onunla rəqabətə girməyə başlayacaq. Bir daha dərindən təşəkkür edirəm.
X X X
Sonra “Bakı Abadlıq Xidməti” MMC-nin baş direktoru Bünyad Qasımov rəhbərlik etdiyi qurumun Pakistanın paytaxtında həyata keçirdiyi təmir-bərpa layihələri barədə məlumat verdi. Qeyd etdi ki, “Bakı Abadlıq Xidməti” tərəfindən İslamabadda icra olunan layihələrdən biri yekunlaşıb, üç layihə üzrə isə işlər davam edir.
Bütün xəbərlər Facebook səhifəmizdə
Digər xəbərlər
Xəbər lenti
Ronaldodan 986-cı QOL!
İdman 02:23Bakıda həkimin bağbanı sürücünü BIÇAQLAYIB
Hadisə 02:02Arda Gülər "Real"da 10,42 milyon avro qazanacaq
İdman 01:22Bu məsələdə Moskvanı razı salmışıq - Kuşner
Dünya 01:03Mağazadan oğurluğa cəhd edən qadınlar yaxalanıb
Hadisə 20 Noyabr 23:22Makrona yeni RƏQİB - keçmiş Baş nazir də prezidentliyə namizəd oldu
Dünya 20 Noyabr 23:04"Sabah" darmadağınla liderliyə yüksəldi
İdman 20 Noyabr 22:31Dövlət Xidməti Uşaq Fondu ilə bağlı məlumat yaydı
Mədəniyyət 20 Noyabr 22:19Alyona Əliyeva mükafatlandırma mərasimində iştirak edib
Sosial 20 Noyabr 22:01Dokuların və rahat siluetlərin oyunu...
Dəb 20 Noyabr 21:53Mercedes bu superkarı 60 il ərzində satmaqdan imtina etdi…
Texnologiya 20 Noyabr 21:28Dünyanın ən gözəl kəndi necə görünür...
Maraqlı 20 Noyabr 21:06Avropada superbakteriya ilə bağlı xəbərdarlıq edilir...
Səhiyyə 20 Noyabr 20:49“Variety” ən yaxşı 100 kino ulduzunu siyahıya alır...
Mədəniyyət 20 Noyabr 20:27Ulduz amerikalı komediyaçı Trampı ələ salıb...
Dünya 20 Noyabr 20:05IV “Maarifçi” Tələbə-Məzun Forumu keçirilib
Təhsil 20 Noyabr 19:54Rusiya Çin texnologiyalarından asılıdır...
Dünya 20 Noyabr 19:47Dünyada şərab istehlakı yeddi il ərzində 14 faiz azalıb...
İqtisadiyyat 20 Noyabr 19:28Bakı metrosunda qısamüddətli texniki xəta baş verib...
Sosial 20 Noyabr 19:15"Yüksək Səviyyəli Müşahidəçi Günü" keçirilib
Siyasət 20 Noyabr 19:12“Mən Allaha ibadət edə biləcəyim bir yerə sahib olmaq istəyirəm”
Sosial 20 Noyabr 19:05Terrorçu təşkilata qoşulmuş şəxslər saxlanılaraq Azərbaycana gətirilib
Hadisə 20 Noyabr 19:00London hücum kiber əməliyyatları apardığı ölkələri açıqladı...
Dünya 20 Noyabr 18:51YAP-in Ordubad rayon təşkilatında tədbir keçirilib - FOTOLAR
Siyasət 20 Noyabr 18:42Kolleclərə tələbə qəbulunun nəticələri müzakirə olunub
Təhsil 20 Noyabr 18:32Niyə Pekin neft kranını açmağa tələsmir?
İqtisadiyyat 20 Noyabr 18:27Naftalanda 3 məktəblini maşın vurub
Hadisə 20 Noyabr 18:22Azərbaycan komandası beynəlxalq turnirin qalibi olub
İdman 20 Noyabr 18:18Belaruslu hərbçilər Azərbaycana səfər edib
Siyasət 20 Noyabr 18:08Krım körpüsü bağlandıqdan sonra Rusiya hərbi karvanları tələyə düşüb
Dünya 20 Noyabr 18:05Ay Maşallah! Yığmamız bu dəfə İraqı məğlub etdi
İdman 20 Noyabr 17:43Azərikard finteklər üçün yeni imkanlar təqdim edib
İqtisadiyyat 20 Noyabr 17:36Vəfat edən şəxsin kredit borcu kimə keçir? - İQTİSADÇI AÇIQLADI
İqtisadiyyat 20 Noyabr 17:29"Səfərin ən mühüm töhfəsi mövcud potensialın real rəqəmlərə transformasiya edilməsidir" - ŞƏRH
Siyasət 20 Noyabr 17:09Deputat Vüqar Rəhimzadə Ordubadda seçiciləri ilə növbəti görüşünü keçirib - FOTOLAR
Siyasət 20 Noyabr 17:02“YAP müasir siyasi təşkilat kimi fəaliyyətini uğurla davam etdirir”
Siyasət 20 Noyabr 16:55“Naxçıvandan Şuşaya uzanan dövlətçilik və Zəfər yolu” mövzusunda konfrans keçirilib
Siyasət 20 Noyabr 16:29Azərbaycanla Vyetnam Sosialist Respublikası ilə əlaqələr yüksələn xətlə inkişaf edir - RƏY
Siyasət 20 Noyabr 16:26Rusiyanın Ukraynaya atdığı raketin Polşaya düşdüyü təsdiqlənib
Dünya 20 Noyabr 16:24Azərbaycan onlayn dövlət xidmətlərinə görə dünyada ilk 11-liyə daxil oldu
İqtisadiyyat 20 Noyabr 16:17Azərbaycan əhalisinin sayı açıqlanıb
İqtisadiyyat 20 Noyabr 16:06Birinci vitse-prezident Mehriban Əliyeva Vyetnamın Vitse-prezidenti ilə görüşüb - FOTOLAR
Siyasət 20 Noyabr 16:04Yeni Azərbaycan Partiyasının yeni hədəfləri - MƏQALƏ
Siyasət 20 Noyabr 15:51İtkinlərin taleyi: Ermənistanın bəyanatları ilə real addımları arasında 204 məzarın sirri
Sosial 20 Noyabr 15:50YAP-ın yaranmasının 34-cü ildönümü - milli dövlətçilik, siyasi varislik və zəfər yolu - MƏQALƏ
Siyasət 20 Noyabr 15:47Müxalifətçilik institutu ilə bağlı yanlış stereotiplər - MƏQALƏ
Siyasət 20 Noyabr 15:23Anju nədir, kimlərə edilir və niyə bu qədər insan stent qoydurur? - ARAŞDIRMA
Səhiyyə 20 Noyabr 15:11Könüllülər Koalisiyası və Putin - RAKURS
Siyasət 20 Noyabr 14:53Şərqə açılan yeni pəncərə: Azərbaycanın geosiyasi nüfuzu genişlənir - MƏQALƏ
Siyasət 20 Noyabr 14:50Baş nazir Əli Əsədov İrakli Kobaxidzeyə başsağlığı verib
Siyasət 20 Noyabr 14:49Putinin toxunulmazlığı, yoxsa, "diplomatik qələbə"? - BAXIŞ BUCAĞI
Siyasət 20 Noyabr 14:45"Ağdamın dirçəlişi Azərbaycanın tarixi Zəfərinin və quruculuq gücünün təcəssümüdür" - DEPUTAT
Siyasət 20 Noyabr 14:40“Hər ailənin öz psixoloqu olmalıdır” - PSİXOLOQ
Sosial 20 Noyabr 14:36Böyük səhv - ANALİZ
Siyasət 20 Noyabr 14:35“Ağdam müasir şəhərsalma prinsipləri əsasında yenidən qurulur” -MİLLƏT VƏKİLİ
Siyasət 20 Noyabr 14:28"Ermənistanın səmimiyyəti itkin düşmüş azərbaycanlılarla bağlı addımlarla ölçüləcək" - POLİTOLOQ
Siyasət 20 Noyabr 13:57Badamdardakı sürüşmə sahəsində çatlar genişlənib, aktivlik davam edir
Hadisə 20 Noyabr 13:43Həyətyanı torpaqlara mülkiyyət hüququ plan-ölçü sənədi əsasında da veriləcək
İqtisadiyyat 20 Noyabr 13:41Quba Soyqırımı Muzeyi "Bağ-park, monumental və xatirə abidələri" siyahısına daxil edilib
Mədəniyyət 20 Noyabr 13:40“Həkimlərimizi tanıyın!” rubrikamızda
Səhiyyə 20 Noyabr 13:36"Trendyol"da "Əfsanə günlər " başlayır
Texnologiya 20 Noyabr 13:22Şənbə günü Azərbaycanda 21 dərəcə isti olacaq
Sosial 20 Noyabr 13:18Respublika üzrə noyabr ayının pensiya ödənişləri yekunlaşıb
Sosial 20 Noyabr 13:17Ağdam Azərbaycan xalqının Qarabağ torpağına bağlılığının rəmzidir - ŞƏRH EDİLDİ
Siyasət 20 Noyabr 13:14Uşaqların boy artımına təsir edən əsas amillər hansılardır? -ARAŞDIRMA
Sosial 20 Noyabr 13:01Media və Yayım Şurası jurnalistlər üçün müsabiqə elan edir!
MEDİA 20 Noyabr 13:00Türkiyənin “Oruç Reis” gəmisi Pakistanda seysmik tədqiqatlara başlayır
Dünya 20 Noyabr 12:47Tramp ciddi problemi etiraf etdi - Çin sammiti
Dünya 20 Noyabr 12:40Milli Məclisin növbəti iclasının vaxtı və gündəliyi açıqlanıb
Siyasət 20 Noyabr 12:39Oğlan uşaqlarının xayalıq bölgəsindəki şişlik bədxassəli ola bilərmi?
Səhiyyə 20 Noyabr 12:33Media və Yayım Şurasının müsabiqələrinin keçirilməsi qaydalarında yenilik edilib
MEDİA 20 Noyabr 12:32Azərbaycan Prezidenti İlham Əliyevin Vyetnamın Baş naziri ilə görüşü olub - YENİLƏNİB - FOTOLAR
Siyasət 20 Noyabr 12:28"Vyetnam istiqaməti Azərbaycanın Asiya siyasətində mühüm dayaq nöqtəsinə çevrilə bilər" - ŞƏRH
Siyasət 20 Noyabr 12:20“Dublin sammiti və 2028-ci il Bakı sammiti yeni diplomatik mərhələyə zəmin yaradır” - ŞƏRH
Siyasət 20 Noyabr 12:19Qadınların gecə dəfn edilməsi dinin tələbi, yoxsa adət-ənənədir? - İLAHİYYATÇI DANIŞDI
Sosial 20 Noyabr 12:16"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
Siyasət 20 Noyabr 12:00Özəl xəbərlər
Digər xəbərlərYAP-in Ordubad rayon təşkilatında tədbir keçirilib - FOTOLAR
Siyasət 20 Noyabr 18:42Vəfat edən şəxsin kredit borcu kimə keçir? - İQTİSADÇI AÇIQLADI
İqtisadiyyat 20 Noyabr 17:29"Səfərin ən mühüm töhfəsi mövcud potensialın real rəqəmlərə transformasiya edilməsidir" - ŞƏRH
Siyasət 20 Noyabr 17:09Deputat Vüqar Rəhimzadə Ordubadda seçiciləri ilə növbəti görüşünü keçirib - FOTOLAR
Siyasət 20 Noyabr 17:02
Redaktorun seçimi
Köşə yazıları
Populyar
Valyuta məzənnəsi
-
USD
1,7000
0,00%
-
EUR
1,8666
+0,16%
-
GBP
2,2283
-0,19%
-
RUB
2,0737
+0,52%

2008-2026. Səs İnformasiya Agentliyi, Bütün hüquqlar qorunur. Məlumatlardan istifadə etdikdə istinad mütləqdir.
İfadə olunan fikirlərə sayt məsuliyyət daşımır.
Ünvan: Üzeyir Hacıbəyli küçəsi, 66; Bakı, Azərbaycan.
Email: [email protected] Tel.: (+994 12) 598-33-90; Faks: (+994 12) 493-11-62;



