"Türkiyə Kültür Yolu Festivalı" cari il 16 şəhərdə keçiriləcək. SİA bu barədə Türkiyə saytlarına istinad edir.
Mədəniyyət və turizm naziri Mehmet Nuri Ersoy İstanbulda keçiriləcək "Türkiyə Kültür Yolu Festivalı"nın təfərrüatlarını açıqlayıb.
8 aya yayılacaq festival çərçivəsində 6 mindən çox tədbir təşkil olunacaq.
"Kültür Yolu Festivalı"nın dünyada bənzəri olmadığını bildirən nazir Ersoy "Türkiyədə festival ab-havasını yaşadacağıq" deyib.
Böyük tədbirdə rekord sayda sənətçinin qatılacağını ifadə edən Ersoy bildirib ki, 2023-cü ildə festivala qatılan sənətçilərin sayı 34 minə çatıb. Bu il hədəfimiz 40 min sənətçidir.
Nazir N.Ersoy “Bu il 13-21 aprel tarixlərində Adanada portağal çiçəyi karnavalı ilə birlikdə "Türkiyə Kültür Yolu Festivalı"nı başlayacağıq. 2-10 noyabr tarixlərində Antalyada bu unikal mədəniyyət-sənət marafonunu başa vuracağıq" deyib.
Mədəniyyət və turizm naziri bu il festivalın ən mühüm elementlərindən birinin Pablo Pikassonun olacağını açıqlayıb:
“Əsas qonağımız olaraq, 80-dən çox orijinal əsərin yer aldığı təsirli Pikassonun sərgisinə ev sahibliyi edəcəyik və 3 ay ərzində müxtəlif şəhərlərdəki sənətsevərlərlə bir araya gətirərək unikal təcrübə təqdim edəcəyik”.
Bundan başqa bir çox dünya şöhrətli adların əsərləri festivala rəng qatacaq.
Bu il 600-dən çox məkanda tədbirlər keçiriləcək.
Dövlət Opera və Baletinin məşhur Anadolu əfsanəsinə opera ilə həyat verdiyi “Şahmeran” da ilk dəfə nümayiş olunacaq.
Bütün xəbərlər Facebook səhifəmizdə
USD
EUR
GBP
RUB