...Əfqanıstan miqrant işçiləri kənd təsərrüfatında işləmək üçün Rusiyaya göndərməyi təklif edib. Bu məsələ Əfqanıstan nümayəndə heyətinin bu yaxınlarda Tatarıstana səfəri zamanı müzakirə olunub. Kabil nümayəndələri respublikanın rəhbəri Rüstəm Minnixanovla görüşüblər.
SİA-nın məlumatına görə, bunu İslam Əmirliyinin Rusiyadakı səfiri Qull Həsən RİA Novosti agentliyinə bildirib.
...Ümid edirik ki, bu məsələ daha da müzakirə olunacaq. İndiyə qədər kənd təsərrüfatı işçiləri təklif etmişik, amma ümid edirik ki, razılığa gələ bilsək, digər sektorlarda da işləyəcəyik, - deyə Əfqanıstan səfiri bildirib.
O, hələlik konkret razılaşmalar əldə edilmədiyini də bildirib.
Ukraynada tammiqyaslı müharibənin başlamasından sonra Rusiyada işçi qüvvəsi çatışmazlığı yaşandı: 300.000 nəfər səfərbər olunaraq cəbhəyə göndərildi, daha 500.000 nəfər döyüşmək üçün Müdafiə Nazirliyi ilə müqavilə imzaladı və 600.000 ilə 1 milyon arasında insan ölkəni tərk etdi. Sberbank-ın baş direktoru Herman Qref yaxın illərdə çatışmazlığın 2,8-5 milyon nəfərə çata biləcəyini proqnozlaşdırıb.
Problemi həll etmək üçün hökumət Hindistan, Çin, Malayziya, Banqladeş və Afrika ölkələrindən daha çox miqrant işçi cəlb etməyi planlaşdırır.
Bu yaxınlara qədər Əfqanıstan Rusiyaya miqrant mənbəyi hesab edilmirdi.
...“Taliban”ın 2021-ci ildə Əfqanıstanda hakimiyyəti ələ keçirməsindən sonra Rusiya İslam əmirliyini rəsmi olaraq tanıyan ilk və yeganə ölkə oldu.
Moskva həmçinin “Taliban”ı 20 ildən çoxdur saxladığı terror təşkilatları siyahısından çıxardı.
Kabil əvvəllər Moskva ilə infrastruktur tikintisi, enerji, nəqliyyat mühəndisliyi, mədənçilik və kənd təsərrüfatı sahələrində əməkdaşlıq təklif etmişdi.
Xüsusilə, Əfqanıstan Rusiyadan Trans-Əfqan Dəmir Yolunun tikintisində iştirak etməsini və ölkənin cənub və şimal bölgələrini birləşdirən Salanq Tuneli də daxil olmaqla, sovet mühəndisləri tərəfindən tikilmiş yolların təmirini istədi. Rusiya hökuməti qeyd etdi ki, Əfqanıstanla iqtisadi əməkdaşlıq variantları "inkişaf mərhələsindədir".
Əli Babayev
Bütün xəbərlər Facebook səhifəmizdə
.jpg "Ramiz Mehdiyevə arxalanan Məmurlar Kimlərdir? - İÇİMİZDƏKİ QURDLAR!")
USD
EUR
GBP
RUB
