...Böyük sərvətlərinə baxmayaraq, bir çox şirkət qurucuları CEO rolunun biznesdə ən çox yorucu rollardan biri olduğunu etiraf edirlər.
SİA-nın məlumatına görə, bu barədə Entrepreneur yazır.
Facebook-un həmtəsisçisi və Asana şirkətinin keçmiş rəhbəri Dastin Moskovitz heç vaxt baş direktor olmağa can atmadığını etiraf edib.
...Mən təbii olaraq insanları idarə etməyi sevmirəm, amma bu, belə oldu, - deyir.
Moskovitz 2010-cu ildən 2024-cü ilə qədər Asana-ya rəhbərlik edib və etiraf edib ki, o, bu rola uyğun gəlmək üçün hər gün özünü ekstrovert kimi göstərərək “maska taxıb”..?
Onun sərvəti 12 milyard dollar qiymətləndirilir.
...Tesla, SpaceX və xAI şirkətlərinə rəhbərlik edən milyarder Elon Mask, 2013-cü ildə şirkət idarə etməyi “uçuruma baxıb şüşə yemək”lə müqayisə edib. Onun sözlərinə görə, baş direktorlar daim uğursuzluq riski və ən ağrılı çağırışlarla üzləşirlər.
Maskın sərvəti təxminən 458 milyard dollardır, lakin hətta o, bir çox şirkətləri idarə etməyin boşaldığını etiraf edir.
...2024-cü ilin martında CEO vəzifəsindən istefa verən Stability AI-nin həmtəsisçisi Emad Mostaki də oxşar fikri ifadə edib.
O, “The New York Times” qəzetinə müsahibəsində “CEO olmaq pisdir. Elon haqlı idi”,- deyib.
Hətta Airbnb-nin qurucusu Brayan Çeski etiraf edib ki, baş direktor olmağın "tənhalığın dərinliklərini" təsvir etmək çətindir.
Deloitte-in məlumatına görə, ABŞ, Böyük Britaniya, Kanada və Avstraliyada top-menecerlərin təxminən 70 faizi stress və tükənmişlik səbəbindən vəzifələrindən ayrılmaq istəyir.
2025-ci ilin birinci yarısında rekord sayda 1358 CEO öz vəzifəsini tərk etdi ki, bu da indiyədək qeydə alınan ən yüksək rəqəmdir.
Əli Babayev
Bütün xəbərlər Facebook səhifəmizdə
.jpg "Mehdiyev kimlərin VƏZİFƏSİNƏ SON QOYUB? - DƏHŞƏTLİ FAKTLAR!")
.jpg "TƏCİLİ! Bütün Hava Limanları Bağlanır! - Rusiya hərəkətə keçdi!")
USD
EUR
GBP
RUB