NATO-nun Baltik dənizində gücləndirmə səyləri çərçivəsində ABŞ Rusiya sərhədləri yaxınlığında kəşfiyyat təyyarələrini yerləşdirib. Bu təyyarələr sualtı qayıqları aşkar edib məhv etmək və gəmi əleyhinə əməliyyatlarda iştirak etmək qabiliyyətinə malikdir.
...SİA-nın əldə etdiyi məlumata görə, bu barədə Newsweek xəbər verir
Sentyabrın sonlarında Oslodan 48 kilometr şimalda yerləşən Norveçin ən böyük hava limanı olan Qardermoendə, peyk görüntülərinə görə ən azı üç Boeing P-8A Poseidonu yerləşdirilib.
... Flightradar24-ün məlumatına görə, sentyabrın 28-də bu kəşfiyyat təyyarələrindən biri Baltik dənizi üzərində havaya qalxaraq Rusiyanın Baltik Donanmasının bazalarından birinin yerləşdiyi Kalininqrad vilayəti yaxınlığındakı sularda bir neçə saat dövrə vurub.
Təyyarənin təyinat yeri yox idi. Norveç Silahlı Qüvvələrinin Əməliyyat Qərargahının sözçüsü Baltikdə "müttəfiqlərin əməliyyatlarını dəstəkləmək" üçün Qardermoendən bir neçə təyyarənin yola düşdüyünü təsdiqləyib.
İyulun sonunda İslandiyadakı Keflavik aviabazasında yerləşən bir P-8A Poseidon da NATO-nun Baltik dənizindəki manevrlərində iştirak edib.
2025-ci ilin yanvarında Baltik dənizində zədələnmiş sualtı kabellərin sayının artmasına cavab olaraq, Şimali Atlantika Alyansı “Baltik keşikçiliyi” adlı missiyanın başladığını elan etdi.
Müttəfiqlərin Avropadakı Ali Baş Komandanı Kristofer Kavoli missiyanın komandanlığını öz üzərinə götürdü.
Baltik keşikçiləri əməliyyatı çərçivəsində Baltik dənizində yüksək texnologiyalı aktivlərlə yanaşı, kiçik dəniz pilotsuz təyyarələri donanması da daxil olmaqla bir neçə freqat və dəniz patrul təyyarələri yerləşdirilib.
NATO bu təşəbbüsün Rusiyanın mümkün təxribat fəaliyyətləri ilə bağlı “artan narahatlıqlar” nəticəsində yarandığını vurğulayıb.
Buna görə də missiyanın məqsədlərindən biri kritik sualtı infrastrukturun effektiv monitorinqi və zəruri hallarda operativ reaksiyanın təmin edilməsi idi.
Missiya işə salınandan bəri Baltik dənizində infrastrukturun zədələnməsi ilə bağlı insidentlər dayandırılıb.
Əli Babayev
Bütün xəbərlər Facebook səhifəmizdə
.jpg "ŞOK: Cabir İmanova DÜŞMƏN ÇIXAN MÜXALİFƏTÇİLƏR!")
USD
EUR
GBP
RUB