ABŞ Çin və Rusiya arasında əməkdaşlığın artması və ABŞ prezidenti Donald Trampın Pekin və Moskvanın Şimali Koreya ilə birlikdə Amerikaya qarşı sui-qəsd hazırlaması barədə bəyanatları fonunda genişmiqyaslı hərbi modernləşdirmə hazırlayır.
ABŞ-ın müdafiə naziri Pit Xeqset “Fox News”-da dediyi kimi, Ağ Evin hazırkı rəhbəri Pentaqona "Amerika ordusunu yenidən qurmağı" və Çin - Rusiyaya nəzarətini bərpa etməyi əmr etdi.
Nazirin sözlərinə görə, ABŞ müharibə axtarmır, lakin bunun qarşısını almaq üçün kifayət qədər gücə malik olmalıdır. Pentaqon rəhbəri Pekində Yaponiya üzərində qələbənin və İkinci Dünya Müharibəsinin başa çatmasının 80 illiyinə həsr olunmuş, qoşunların yürüşü və ən son hərbi texnikanın nümayiş etdirildiyi hərbi paradı Moskva və Pekinə öz mövqelərini möhkəmləndirməyə imkan verən “ABŞ-ın əvvəlki administrasiyasının səhvləri” ilə əlaqələndirib.
Xeqset əmin edir ki, modernləşmə hər şeyə təsir edəcək: kosmos, aviasiya, donanma, sualtı qüvvələr və uzaq mənzilli silahlar.
Nazir ABŞ-ın Pekinin təkrarlaya bilməyəcəyi imkanlara malik olduğuna diqqət çəkib.
Xüsusilə, bu, Dəmir Günbəz taktiki raketdən müdafiə sisteminə aiddir.
Bu arada Qərbdəki analitiklər ŞƏT sammiti çərçivəsində keçirilən görüşləri təhlil edərək belə qənaətə gəliblər ki, Çin alternativ güc mərkəzi yaratmağa çalışır. İndi Amerika tərəfini ordusunu ciddi şəkildə yenidən qurmağa vadar edən də budur.
Əli Babayev
Bütün xəbərlər Facebook səhifəmizdə
USD
EUR
GBP
RUB
