Türkiyə Böyük Millət Məclisinin (TBMM) sədri Numan Kurtulmuş fevralın 16-20-də Yaponiyaya rəsmi səfər edəcək.
SİA-nın türk saytlarından əldə etdiyi məlumata görə, Numan Kurtulmuş paytaxt Tokioda Yaponiya Nümayəndələr Palatasının sədri Fukuşiro Nukaqa və Yaponiya Məşvərət Məclisinin sədri Masakazu Sekiquçi ilə təkbətək görüş keçirəcək. Tərəflər həmçinin heyətlər arasında baş tutacaq görüşə də sədrlik edəcəklər.
Səfər çərçivəsində parlamentlərarası əlaqələr, Qəzza başda olmaqla qlobal və regional məsələlər müzakirə olunacaq. Numan Kurtulmuş və onu müşayiət edən nümayəndə heyəti Yaponiyada yaşayan türklərlə də görüşəcək.
Numan Kurtulmuş həmçinin Türkiyə Yunus Əmrə İnstitutunu və Tokio məscidini ziyarət edəcək, həmçinin Sasakava Vəqfinin təşkil etdiyi “Yaxın Şərq və Türkiyədə Sülh Perspektifi” adlı konfransda da çıxış edəcək.
Bütün xəbərlər Facebook səhifəmizdə
USD
EUR
GBP
RUB