2024-cü il iyulun 28-də Venesuelada keçirilən prezident seçkilərində səslərin 52 faizini toplayaraq qalib gələn Nikolas Maduro and içərək vəzifəsinin icrasına başladı. Karakasdakı Qanunvericilik Sarayında keçirilən andiçmə mərasiminə 125 ölkədən nümayəndə heyəti qatılıb.
SİA-nın xarici qaynaqlardan əldə etdiyi məlumata görə, mərasimdə çıxış edən Nikolas Maduro, "Venesuellanın nəcib və cəsur xalqı və bütün əmrlərini yerinə yetirəcəyim Konstitusiya qarşısında and içərək yeni sülh, firavanlıq və demokratiya dövrünə başlayıram. Yeni prezidentlik dövrü sülh, firavanlıq, bərabərlik və yeni demokratiya dövrü olacaq," – deyə bildirib.
Maduronun andiçmə mərasimində Türkiyəni mədəniyyət və turizm naziri Mehmet Nuri Ersoy təmsil edib. Nazir Mehmet Nuri Ersoy rəsmi internet səhifəsində etdiyi paylaşımda bu ifadələrə yer verib: "Venesuela Respublikasının Prezidenti cənab Nikolas Maduronun andiçmə mərasimində ölkəmi təmsil etdim. Türkiyə-Venesuela dostluğunu gücləndirən bu güclü əlaqələri daha da inkişaf etdirəcəyik''.
Qeyd edək ki, Venesuela Nikolas Maduronun andiçmə mərasimi ərəfəsində qonşu Kolumbiya ilə quru sərhədini müvəqqəti bağladığını və uçuşları dayandırdığını açıqlayıb. Taçira əyalətinin valisi Fredi Bernal Kolumbiya sərhədinin bağlandığını bildirib. Dünən yerli vaxtla saat 05:00-da qüvvəyə minən qərarın 13 yanvar Bazar ertəsi gününə qədər davam edəcəyi bildirilib. Kolumbiya Xarici İşlər Nazirliyinin internet saytında verilən açıqlamada isə Venesuelanın quru sərhədini və hava məkanını 72 saatlıq bağlama qərarının "birtərəfli və daxili səbəblərdən" qaynaqlandığı vurğulanıb.
Bütün xəbərlər Facebook səhifəmizdə
USD
EUR
GBP
RUB