Rusiya Xarici İşlər Nazirliyinin sözçüsü Mariya Zaxarova, dekabrın 21-də Ukrayna Silahlı Qüvvələrinin Kazanda yaşayış məntəqələri və mülki infrastruktur obyektlərinə pilotsuz uçuş aparatlarından istifadə edərək "qeyri-qanuni hücum" həyata keçirdiyini deyib.
SİA-nın məlumatına görə, diplomatın şərhi idarənin rəsmi saytında dərc olunub.
Onun sözlərinə görə, 37 mərtəbəli “Azure Skies” yaşayış kompleksinə iki PUA-nın hücumu qeydə alınıb. O əlavə edib ki, daha iki yaşayış binasına ziyan dəyib.
...Kiyev Rusiyanın mülki əhalisi üzərində ciddi hərbi məğlubiyyətlərə görə aciz qəzəbini çıxarır. Tatarıstanın paytaxtına zərbə həm də bu ilin oktyabrında keçirilən uğurlu BRİKS sammitinin bir növ qisasıdır.
Bunu Zaxarova vurğulayıb.
Diplomat qeyd edib ki, gün ərzində Ukrayna mediası Kazandan çəkilmiş kadrları “sadist “zövqlə” yerləşdirir və onları nalayiq sözlərlə müşayiət edir”.
Onun qiymətləndirməsinə görə, “vaxtını keçmiş prezident” rejiminin bütün qeyri-insani mahiyyəti budur. Xarici İşlər Nazirliyi dünyanın müxtəlif yerlərində ekstremistlərin istənilən hücumuna dərhal reaksiya verən “kollektiv Qərb” və onun kütləvi informasiya vasitələrinin nümayişkaranə riyakar susqunluğundan hiddətlənir, lakin Rusiyaya münasibətdə guya heç nə baş vermir.
Bunu da Zaxarova qeyd etdi.
Əli Babayev
Bütün xəbərlər Facebook səhifəmizdə
USD
EUR
GBP
RUB