...Miniatür elektrik avtomobili Citroen Ami retro üslubda orijinal modifikasiya alıb. Büdcə avtomobili fevralın 5-də Parisdə keçiriləcək Retromobile sərgisində təqdim olunacaq.
SİA xəbər verir ki, bu barədə Caselani şirkətinin saytında məlumat verilir.
Citroen Ami-nin orijinal tüninqini məhz bu italyan şirkəti həyata keçirib. O, müasir avtomobillərin retro versiyalarının yaradılmasında ixtisaslaşıb - Caselani əvvəllər Citroen Belingo modelini modifikasiya edib.
Layihə Type-Ami adlanırdı və Citroen tərəfindən təsdiqləndi. Kiçik elektrik avtomobili 1947-ci ilin Citroen Type H modelinə bənzəyəcək şəkildə hazırlanmışdır.
Type-Ami-nin ön hissəsində radiator barmaqlığını təqlid edən böyük Citroen loqosu var, yuvarlaq faralar isə böyüyüb. Bundan əlavə, avtomobil qabarıq təkər tağları və büzməli yan divarları ilə seçilir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
