"İşğal dövründə təbii sərvətlərə dəymiş ziyanın hüquqi əsaslarla sənədləşdirilməsi vacibdir" - ŞƏRH EDİLDİ
"İşğaldan azad edilmiş ərazilərdə təbii sərvətlərə vurulmuş ziyanın araşdırılması beynəlxalq ictimaiyyət üçün də mühüm əhəmiyyət daşıyır. İlk növbədə, 30 ilə yaxın davam edən işğal dövründə Azərbaycana dəymiş iqtisadi, ekoloji və digər zərərlərin ortaya qoyulması vacibdir".
Bu sözləri SİA-ya açıqlamasında siyasi şərhçi Şakir Ağayev deyib.
.jpg)
Siyasi şərhçi sözlərinə belə davam edir: "Bu, həmçinin Azərbaycan əleyhinə səsləndirilən iddialara və müxtəlif beynəlxalq platformalarda yayılan məlumatlara faktlarla cavab verilməsi baxımından əhəmiyyətlidir.
İşğal dövründə Azərbaycanın təbii sərvətlərindən istifadə olunması və onlara vurulduğu bildirilən ziyanın hüquqi baxımdan araşdırılması da mühüm məsələlərdəndir. Təbii sərvətlər üzərində mülkiyyət və onlardan istifadə məsələləri beynəlxalq hüququn müxtəlif prinsipləri ilə tənzimlənir. Bu baxımdan dəymiş ziyanın müəyyənləşdirilməsi və hüquqi qiymətləndirilməsi gələcəkdə kompensasiya məsələlərinin də gündəmə gətirilməsi üçün əsas yarada bilər.
Eyni zamanda, işğaldan azad edilmiş ərazilərdə təbii sərvətlərin vəziyyətinin araşdırılması ekoloji nəticələrin müəyyənləşdirilməsi baxımından da vacibdir. Təbii sərvətlərə və ətraf mühitə dəymiş ziyanın miqyasının elmi və hüquqi əsaslarla ortaya qoyulması Azərbaycanın mövqeyinin beynəlxalq ictimaiyyətə çatdırılmasına xidmət edə bilər.
Bu məsələnin informasiya müharibəsi baxımından da əhəmiyyəti var. İşğal dövründə Azərbaycanın əleyhinə müxtəlif məlumatların yayıldığı nəzərə alınarsa, təbii sərvətlərə və ətraf mühitə dəymiş ziyanın müstəqil və hüquqi əsaslarla sənədləşdirilməsi həmin iddialara faktlarla cavab vermək baxımından əhəmiyyətlidir.
Ona görə də işğaldan azad edilmiş ərazilərdə təbii sərvətlərə və ətraf mühitə dəymiş ziyanın mülki, ekoloji və hüquqi aspektlərdən hərtərəfli araşdırılması mühüm məsələdir. Bu araşdırmaların nəticələrinin beynəlxalq ictimaiyyətə təqdim olunması da Azərbaycanın mövqeyinin faktlara əsaslanan şəkildə çatdırılmasına imkan verə bilər".
Bütün xəbərlər Facebook səhifəmizdə
.jpg)
.jpg)
.jpg)
.jpg)
USD
EUR
GBP
RUB