Uşaqlarda pəltəklik niyə yaranır?

22 Oktyabr 2017 09:01 | 5 503

Uşaqlarda müalicə edilməsi mümkün olmayan pəltəklik depressiya nəticəsində yaranır. Axar.az xəbər verir ki, bu sözləri Türkiyənin Memorial Şişli Xəstəxanası Uşaq Xəstəlikləri Bölümünün psixiatrı Leyla Alkaş deyib. O bildirib ki, 2-7 yaş arası, xüsusilə də oğlan uşaqlarında daha çox təsadüf olunan pəltəklikdə genetik amillər fəal rol oynayır:

“Bu halın zamanla keçməsini gözləyərək müalicəsi təxirə salındığı halda pəltəklik uşaqlarda depressiyaya da səbəb olur. Pəltəklik halı cəmi 1 faiz uşaqlarda müşahidə olunur. Bu hal oğlan uşaqlarında qız uşaqlarına nisbətən 4 dəfə daha çox baş verir. Pəltəklik 2-5 yaşlar arasında uşaqlarda daha çox inkişaf edir. Bunun genetik olaraq uşağa keçməsi də mümkündür. Yaxın qohumlarda pəltəklik varsa, uşaqda da bunun olması ehtimalı 3 dəfə artır. Pəltəkliyin öz-özünə və ya tibbi prosedurlarla ötüb-keçməsi 80 faiz mümkündür".

WhatsApp-da Səs Media Qrupu kanalını izləyin