4 aprel 2025-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin təşkilatçılığı ilə Mərkəzi Gömrük Hospitalında “Kateterə bağlı sidik yolu infeksiyaları” mövzusunda seminar həyata keçirilib.
SİA xəbər verir ki, Mərkəzi Gömrük Hospitalının rezidentlərinin iştirak etdiyi seminarda Hospitalın Urologiya şöbəsinin rəisi Bəhruz Xalıqov mövzu ilə əlaqədar geniş təqdimatla çıxış edib.
O, təqdimat müddətində beynəlxalq protokollara əsasən empirik müalicədə istifadə olunan dərmanlar, kateterizasiya müddətinin menecmenti, qalıcı kateterizasiyaya alternativ üsullar, kateter seçimi, urinar kateter baxımı, kateterizasiyaya göstərişlər, kateteri olan xəstələrdə şikayətlər və onların menecmenti barədə detallı məlumat verib. Seminarın sonunda rezidentlərin sualları cavablandırılıb.
Qeyd edək ki, cümə seminarları Tibbi Xidmət İdarəsinin Elmi-Təcrübi və Tədris Mərkəzinin illik fəaliyyət planı əsasında rezidentlərin nəzəri bilik və bacarıqlarının təkmilləşdirilməsi məqsədilə mütəmadi olaraq təşkil edilir.
Bütün xəbərlər Facebook səhifəmizdə
.jpg)
USD
EUR
GBP
RUB