Mərkəzi Gömrük Hospitalının Pediatriya şöbəsinin pediatr-neonatoloq-reanimatoloqu Aygün Sadıxova 8-14 sentyabr 2024-cü il tarixlərində Avstriya Respublikasının Zalsburq şəhərində “Ana və körpə sağlamlığı” mövzusunda keçirilən beynəlxalq seminarda iştirak edib. SİA xəbər verir ki, Amerika-Avstriya Fondu tərəfindən təşkil edilmiş bu seminarda Albaniya, Azərbaycan, Belarus, Bolqarıstan, Misir, Özbəkistan, Macarıstan, Litva, Latviya, Gürcüstan, Monteneqro, Meksika və digər ölkələrdən 35 nəfər yüksəkixtisaslı mama-ginekoloqlar, neonatoloqlar və ailə həkimləri iştirak ediblər.
Seminarda ABŞ, Almaniya və Avstriyadan olan 6 professor neonatologiya və pediatriya mövzusunda aktual məsələlər və problemlər barədə maraqlı məruzələr və təqdimatlarla çıxış ediblər. Seminar işini yekunlaşdıranda həkimlərə sertifikatlar təqdim olunub.
Bütün xəbərlər Facebook səhifəmizdə
USD
EUR
GBP
RUB