Azərbaycan Dövlət Neft və Sənaye Universitetinin (ADNSU) tələbələri beynəlxalq səviyyədə mühüm uğura imza atıblar.
Kimya texnologiya fakültəsinin 3-cü kurs tələbələri- Aydan Nadirova və Murad Bağırzadə dünyanın ən nüfuzlu ali təhsil ocaqlarından biri olan Oksford Universitetinin Said Biznes Məktəbində yay məktəbinə qatılacaqlar.
Tələbələr "Sahibkarlıq, davamlılıq və innovasiya" mövzusunda keçiriləcək 1 həftəlik Yay məktəbinin proqramda iştirak edəcək, proqram çərçivəsində qlobal biznes trendləri, davamlı inkişaf strategiyaları və innovativ yanaşmalarla tanış olmaq, həmçinin müxtəlif ölkələrdən olan tələbələrlə fikir mübadiləsi aparmaq imkanı əldə edəcəklər.
Bununla yanaşı hər bir tələbə öz startap ideyası üzərində işləyəcək, onu ilkin konsepsiyadan təqdimat mərhələsinə qədər inkişaf etdirmək imkanı əldə edəcəklər.
Tələbələr yaradıcılığı, əməkdaşlığı və liderliyi təşviq edən seminarlarda iştirak edəcək və bunun əsasında onlar innovativ ideyalarını gerçəkləşdirmək imkanı əldə edəcəklər. Proqramın sonunda tələbələrin startap ideyaları münsiflər heyətinə təqdim ediləcək ki, bu da onlara real həyatdakı sahibkarlıq təcrübəsini yaşadacaq.
Həmçinin gənclər dünyanın müxtəlif yerlərindən olan həmyaşıdları ilə ünsiyyət quracaq, qlobal problemlərin sahibkarlıq yolu ilə necə həll oluna biləcəyini müxtəlif baxış bucaqlarından öyrənəcəklər.
Proqram həmçinin sahibkarlığı müsbət dəyişiklik vasitəsi kimi araşdırmaq üçün unikal bir platforma təqdim edir. Burada seçilmiş namizədlər real dünya problemləri ilə məşğul olacaq, fürsətləri necə müəyyənləşdirməyi öyrənəcək və cəmiyyət üçün vacib olan məsələlərə cavab verən, genişlənə bilən biznes modelləri hazırlamağı öyrənəcəklər. Bu unikal təcrübə onlara ideyalarını inkişaf etdirmək və dünyanın ən aktual problemlərinə yönələn innovativ bizneslər qurmaq üçün zəruri bilik, bacarıq verəcək. Eyni zamanda fürsətləri necə müəyyənləşdirməyi, sahibkarlıq düşüncəsini formalaşdırmağı, sosial və ekoloji baxımdan müsbət təsir yaradan həllər yaratmağı öyrənəcəklər. Proqramın sonunda içtirakçılar əhəmiyyətli dəyişikliklər etmək üçün lazım olan alətlərlə təmin olunacaqlar.
Qeyd edək ki, gənc və iddialı sahibkarlar üçün nəzərdə tutulan yay məktəbi iyulun 12-dən 18-dək davam edəcək. Proqramın məqsədi gənclərə qlobal problemlərə cavab verə biləcək innovativ biznes ideyaları vermək üçün zəruri bilik, bacarıq və motivasiya qazandırmaqdır.
Xatırladaq ki, tələbələrimizin yay məktəbi çərçivəsində nüfuzlu ali təhsil müəssisəsində iştirakı həm də ADNSU-nun beynəlxalq əməkdaşlıq sahəsində atdığı addımların və tələbələrinin yüksəksəviyyəli hazırlığının göstəricisidir.
Bütün xəbərlər Facebook səhifəmizdə
.jpg)
USD
EUR
GBP
RUB
