Türkiyə Cümhuriyyətinin yaranmasının 100-cü ildönümü münasibətilə Yaponiyanın paytaxtı Tokioda “100 Discoveries” mövzusunda foto sərgisi açılıb. SİA bu barədə Tükiyə saytlarına istinad edir.
Şibuya Bələdiyyəsinin Ovada Mədəniyyət Mərkəzində keçirilən sərginin açılışında Türkiyənin Yaponiyadakı səfiri Korkut Güngen, Şibuya bələdiyyəsinin sədri Hasebe Ken, rəsmi şəxslər, jurnalistlər və qonaqlar iştirak ediblər.
Səfir Korkut Güngen foto sərgisinin təşkilində göstərdiyi dəstəyə görə Şibuya Bələdiyyəsinə təşəkkür edib.
Türkiyə Cümhuriyyətinin yaranmasının 100-cü ildönümü münasibətilə açılan sərginin türk-yapon dostluğunun inkişafına töhfə verəcəyini deyən Korkut Güngen sərgini bu ilin müxtəlif vaxtlarında Yaponiyanın 5 fərqli şəhərində təşkil edəcəklərini bildirib.
Korkut Güngen daha sonra Türkiyenin tarixi, dini, turizm və mədəni irsini əks etdirən fotolar haqqında qonaqlara məlumat verib.
İctimaiyyətə açıq olan sərginin aprelin 11-dək davam edəcəyi bildirilir.
Bütün xəbərlər Facebook səhifəmizdə
USD
EUR
GBP
RUB