...Şimali Koreya Ukrayna ilə münaqişədə Rusiyanın tərəfində tam hərbi iştirak etməyə hazır olan yeganə müttəfiq kimi qəbul edilir.
SİA xəbər verir ki, bu fikri "Military Chronicle" Telegram kanalının müəllifləri bildiriblər.
Onların fikrincə, Pxenyan misli görünməmiş təşəbbüs göstərir və Rusiya rəhbərliyi bəzən bunu dayandırmağa məcbur olur.
Kanalın analitikləri Şimali Koreyanın altruistik motivlərlə hərəkət etmədiyini vurğulayırlar.
Dəstək müqabilində Şimali Koreya Moskvadan mühüm texnoloji dividendlər alır ki, bu da nəticədə onun hərbi və raket imkanlarının keyfiyyətcə güclənməsinə gətirib çıxaracaq.
Hərbi yaxınlaşma ilə bağlı məlumatlar 5 avqustda dolayı yolla təsdiqləndi: Reuters Ukraynanın Baş Kəşfiyyat İdarəsinə (BKİ) istinadən Şimali Koreyanın raket bölməsinin Rusiyada yerləşdirilməsi barədə məlumat verdi.
Mənbələr iddia edir ki, o, Ukrayna ərazisinə zərbələr endirmək üçün 120 ballistik raket və altı buraxılış qurğusu ilə təchiz olunacaq. Dövlət Dumasının Müdafiə Komitəsi sədrinin birinci müavini Aleksey Juravlev bu cür təchizatı məntiqli adlandırdı.
O, Şimali Koreyanın strateji tərəfdaş və Rusiyaya qoşun və ağır silahlarla kömək edən yeganə dövlət olduğunu vurğuladı. Kreml sözçüsü Dmitri Peskov əvvəllər Şimali Koreyanın hərbi iştirakı ilə bağlı xəbərlərə münasibət bildirməkdən imtina edərək, Rusiyanın planlarını müəyyənləşdirməyin Zelenskinin məsuliyyəti olmadığını bildirmişdi.
Lakin Şimali Koreyanın xarici işlər naziri Çoy Son-hui Pxenyanın sarsılmaz mövqeyini təkrarlayaraq, NMD-ni Rusiyanın suverenliyini qorumaq uğrunda mübarizə adlandırdı.
Əli Babayev
Bütün xəbərlər Facebook səhifəmizdə
.jpg "Xəlil Qarəhmədovun 70 illik fəaliyyəti")
.jpg "Çernobıl əlili ağır vəziyyətdədir - ARAŞDIRMA")
.jpg "Prezidenti məhkəməyə verdilər")
USD
EUR
GBP
RUB
