Sudan ordusu, paytaxt Xartumun şimalında yerləşən Bəhri bölgəsində 21 aydan çox davam edən mühasirəni yarıb.
SİA xəbər verir ki, bu barədə yerli mətbuat orqanları məlumat yayıb. Məlumata görə, Sudan ordusu Çevik Dəstək Qüvvələrinin 21 aydır davam edən mühasirəsini yarıb. Paytaxt Xartumun qərbində yerləşən Umdurmandakı ordu 2024-cü il sentyabrın 26-da Halfaya körpüsünü keçərək Çevik Dəstək Qüvvələrinin nəzarətində olan Bəhri bölgəsinə daxil olub.
Xatırladaq ki, 2023-cü il aprelin 15-dən etibarən Sudan ordusu ilə Çevik Dəstək Qüvvələri arasında qarşıdurmalar davam edir. Bu müharibəni sona çatdırmaq üçün edilən bütün cəhdlər uğursuz olub.
BMT-nin məlumatına görə, Sudanda münaqişə nəticəsində 20 mindən çox insan həlak olub. 2023-cü ilin aprel ayından etibarən ölkəni tərk edənlərin sayı 3 milyonu ötüb, 9 milyona yaxın insan isə məcburi köçkün vəziyyətinə düşüb. 25 milyondan çox insanın isə humanitar yardıma ehtiyacı var.
Bütün xəbərlər Facebook səhifəmizdə
USD
EUR
GBP
RUB