Səudiyyə Ərəbistanında Suriya ilə bağlı keçirilən toplantıda əhalinin müxtəlif təbəqələrinin iştirakı ilə Suriyada siyasi keçid prosesinin həyata keçirilməsinə dəstək verilib.
SİA-nın məlumatına görə, Səudiyyə Ərəbistanının paytaxtı Ər-Riyadda Suriya ilə bağlı keçirilən görüşdən sonra yayılan bəyanatda deyilib:
“Qardaş Suriya xalqını dəstəkləmək və onlara istənilən dəstəyi göstərmək üçün addımlar atmaqla yanaşı, Suriyanın bütün vətəndaşları üçün azad və təhlükəsiz, suverenliyi pozulmayan və ərazi bütövlüyünə hücum edilməyən bir ərəb dövləti yenidən qurulması məsələləri bir daha müzakirə olundu. İclasın bütün iştirakçıları “bütün suriyalıların hüquqlarını qoruyan və əhalinin müxtəlif təbəqələrinin iştirakı ilə həyata keçiriləcək siyasi keçid prosesini dəstəklədilər”.
Suriya xalqının seçimlərinə dəstək verildiyi və iradəsinə hörmət edildiyi bildirilərkən, İsrailin Suriya ərazisinə müdaxiləsindən narahatlığın olduğu, Suriyanın birliyinə, suverenliyinə və ərazi bütövlüyünə hörmətlə yanaşılmalı olduğu vurğulanıb.
Qeyd edək ki, yanvarın 12-də Səudiyyə Ərəbistanı Suriya ilə bağlı beynəlxalq toplantıya ev sahibliyi edib.
Paytaxt Ər-Riyadda 14 ölkənin xarici işlər nazirləri bir araya gəlib.
Ərəb Liqasına üzv ölkələrin xarici işlər nazirlərinin iştirakı ilə keçirilən toplantıda Türkiyənin xarici işlər naziri Hakan Fidan iştirak edib.
Bütün xəbərlər Facebook səhifəmizdə
USD
EUR
GBP
RUB