...Ukraynanın əks-hücum əməliyyatı rus istehkamları və minalanmış sahələr ilə boğulub.
Bu gün Ukraynanın döyüş ruhu var, lakin strateji uğur üçün hərbi resursları, deyək ki, mina təmizləmə texnikası, artilleriya sursatları, qırıcı təyyarələr, uzaq mənzilli idarə olunan raketlər eləcə də elektron müharibə sahəsinə nəzarət yoxdur.
Bu arada Rusiya cəbhəyə yeni ehtiyatlar atır və müdafiə istehsalını kütləvi şəkildə genişləndirir. Putin hələ də qələbəyə köklənib. O, Qərbin yorğunluğu və Ukraynanın tükənməsi ilə bağlı spekulyasiya edir.
...Bunun əksinə olaraq, Qərb, əslində Vaşinqton və Berlin qəribə dərəcədə qətiyyətsiz olaraq qalırlar.
Ukraynanın NATO-ya üzvlüyünün aydın perspektivi, uzaq mənzilli raketlər və kifayət qədər hərbi texnika təchizatı yoxdur.
Avropa İttifaqı çətin ki, artilleriya sursatının tədarükü ilə bağlı öhdəliklərini yerinə yetirsin. Yeni silah sistemləri ilə bağlı qərarlar aylarla yubanır. Nəhayət, qərar qəbul edildikdə, onların sayı qüvvələr balansını Ukraynanın xeyrinə dəyişmək üçün kifayət etməyəcək.
SİA-nın əldə etdiyi məlumata görə, bunu lmaniyalı siyasətçi Ralf Fyuks bildirib.
Onun sözlərinə görə, bu gün Qərbin əsas oyunçuları Ukraynanı o dərəcədə dəstəkləyirlər ki, o, Rusiyanın təcavüzünə böyük baha başa gələ bilər. Amma onlar bütün resursları qələbə çalmaq, işğal olunmuş torpaqları azad etmək uğrunda mübarizəyə sərf etmirlər.
... Ölmək çox, yaşamaq üçün çox az. Kansler Şolzun dediyi kimi: “Ukrayna uduzmamalı, Rusiya qazanmamalıdır”. Bu, hər iki tərəf müharibədə qalib gələ bilməyəcəyini anlayana qədər qanlı bir döyüş deməkdir. Sonra Ukraynanın faktiki bölünməsi ilə "dondurulmuş münaqişə" və ya onun əhəmiyyətli ərazi və siyasi güzəştlərə getməyə məcbur olacağı sülh müqaviləsi olacaq.
Fyuksun fikrincə, almaniyalı kansler Putinin nə vaxtsa “ağlına gələcəyini” gözləyir. Makron Avropanın təhlükəsizlik nizamı ilə bağlı Kremllə yeni razılaşmadan danışır.
Bu gün Putin üçün Ukraynadakı kampaniyasının uğursuzluğu sonun başlanğıcı olacaq. Amma nə Almaniya hökuməti, nə də ABŞ administrasiyası Putindən sonra Rusiyaya mərc etmir.
Fyuksa görə, Ukrayna uğrunda döyüş ən geci gələn ilin yazında həlledici mərhələyə qədəm qoyacaq. O zaman bəlli olacaq ki, üç ssenaridən hansı, deyək ki, Rusiyanın yeni hücumu, uğurlu Ukrayna əks-hücumu, yoxsa ümidsiz səngər müharibəsi reallığa çevriləcək.
Ukraynanın uğuru hələ də mümkündür. O güman edir ki, demokratik dünya nəyin təhlükədə olduğunu anlayır.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB