...Ceff Bezosun investisiyaları sayəsində ortaya çıxan yeni Slate Truck EV, Tesla üçün çoxdan gözlənilən ucuz rəqibdir.
SİA-nın məlumatına görə, Amerika büdcəli pikap çox populyar oldu.
Carscoops-un məlumatına görə, sifarişlərin sayı artıq 100 mini keçib.
Bunu böyük uğur hesab etmək olar.
Eyni zamanda, şirkət qeyd edir ki, Blank Slate-in (ən sadə avadanlıqla təchiz edilmiş əsas versiya-A.B.) auditoriyası müxtəlifdir: gənc mütəxəssislər, ilk avtomobillərini axtaran yeni sürücülər, yaşlı amerikalılar...
Slate Truck pikapı sadə həndəsi siluet, düz xətlər və dairəvi fənərlər alıb- bu gün bizim çox sevdiyimiz bütün dəbli əşyalar.
Salonda iki oturacaq, arxada isə uzun yük bölməsi var.
Slate Truck EV pikapının spesifikasiyası istehsalın maya dəyərini azaltmaq üçün mümkün qədər sadə olub.
Bununla belə, şirkət geniş çeşiddə aksessuarlar, o cümlədən yük bölməsi üçün örtük və əlavə oturacaqların quraşdırılması üçün dəst hazırlayacaq.
Beləliklə, avtomobil beş nəfər üçün tam qapalı yolsuzluq avtomobilinə çevrilə bilər.
Tək elektrik mühərriki 201 at gücünə malikdir. Slate Truck batareya paketinin ölçüsündən (52 və 84 kVt/saat) asılı olaraq 240 və 380 km məsafəyə malikdir.
Slate Auto, vergi güzəştini nəzərə alaraq, Slate Truck EV üçün 20.000 dollardan az qiymət vəd edib.
Amma bu tədbirlər ləğv edilib, ona görə də qiymət 25.000 dollara yaxın olacaq.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB