...Əvvəllər işçilərini aktiv şəkildə süni intellektlə əvəz edən şirkətlər indi neyron şəbəkələrin yaratdığı səhvləri düzəltmək üçün peşəkarlar axtarır. Məlumatlara görə, marketinq və İT sahəsində belə mütəxəssislərə tələbat xeyli artıb.
SİA-nın əldə etdiyi məlumata görə, bu barədə Hitech yazır.
Məsələn, amerikalı marketinq meneceri Sarah Skidd chatbotlar tərəfindən yaradılan və müştəri gözləntilərinə cavab verməyən materiallara yenidən baxılması üçün bir neçə sifariş alıb.
Bir halda, agentlik ona pula qənaət etmək üçün süni intellekt tərəfindən hazırlanmış reklam mətnini yenidən yazmağı tapşırıb. Nəticə ibtidai və səmərəsiz oldu, bu, məzmunun sıfırdan tamamilə yenidən işlənməsini tələb etdi. 20 saatlıq iş üçün mütəxəssis orijinal mətnin xərclərini əhəmiyyətli dərəcədə üstələyən ödəniş aldı.
Britaniyanın “Create Designs” rəqəmsal agentliyində də oxşar vəziyyət yaranıb.
Şirkətin rəhbəri Sofi Uorner qeyd edir ki, bir çox müştərilər kömək üçün əvvəlcə chatbotlara müraciət edir, sonra isə səhvləri düzəltmək üçün peşəkarları dəvət edirlər ki, bu da son nəticədə dərhal ekspertlərə müraciət etsələr, əldə edə biləcəyindən qat-qat baha başa gəlir.
Bir halda, süni intellekt tərəfindən yaradılan səhv kod parçası müştərini bir neçə gün saytdan məhrum etdi və problemin həlli əlavə xərclər tələb etdi.
Mütəxəssislər vurğulayırlar ki, görünən qənaət və iş sürətinə baxmayaraq, süni intellekt marketinq kampaniyalarının uğuru üçün vacib olan brendin unikal xüsusiyyətlərini, hədəf auditoriyasını və dizayn xüsusiyyətlərini nəzərə almır.
Bu aspektlər insan peşəkarlığını və konteksti dərindən dərk etməyi tələb edir.
Mütəxəssislər əmindirlər ki, ixtisaslı işçilər bazarda yüksək tələbatda qalacaq, çünki texnologiya hələ ekspertləri tam əvəz edə bilmir.
…Süni intellektin köməyi ilə kütləvi avtomatlaşdırmadan sonra müəssisələr neyron şəbəkələrin qeyri-dəqiqliklərini və səhvlərini aradan qaldırmaq üçün mütəxəssisləri işə götürməyə başlayıblar.
…Belə işlərə tələbat artır və yüksək gəlir gətirir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB