...Alfa Romeo sevimli Giulia və Stelvio Quadrifoglio modellərinin istehsalını rəsmən dayandırdı, lakin brendin pərəstişkarları ümidsizliyə qapılmamalıdırlar.
SİA-nın məlumatına görə, keçən həftə sonu Concorso d'Eleganza Villa d'Este zamanı Alfa Romeo-nun rəhbəri Santo Ficili təsdiqləyib ki, Quadrifoglio seriyasının gələcəyi indi elektrik mühərriki ilə birləşən yanma mühərrikləri olaraq qalacaq.
...İtalyanın “Motor1 Italia” nəşrinə verdiyi müsahibədə Ficili söz verib ki, yeni Quadrifoglio...Sizi təəccübləndirəcək... Maserati-nin köhnə Alfa Romeo mühərrikinin inkişafı olan Nettuno V6 mühərrikindən istifadənin mümkünlüyü barədə suala o, birbaşa cavab verməsə də, bunun "real variant" olduğunu qeyd edib.
Yenilənmiş Giulia və Stelvio-nun Stellantis-dən STLA Large modul platformasına keçəcəyi gözlənilir.
Arxitektura artıq yeni Dodge Charger və Jeep Wagoneer S-də istifadə olunur və həm benzinlə, həm də tam elektriklə işləyən güc aqreqatlarını dəstəkləyir.
Alfa Romeo ilkin olaraq 2027-ci ilə qədər tam elektriklə işləməyi planlaşdırsa da, elektrikli avtomobillərə olan tələbatın azalması markanı strategiyasını tənzimləməyə məcbur edib.
Giulia və Stelvio-nun hibrid versiyaları indi inkişaf mərhələsindədir, bu da onların buraxılış tarixlərini geri çəkə bilər.
Son məlumata görə, Stelvio-nun buraxılışı 2025-ci ilin sonundan 2027-ci ilin sonuna qədər təxirə salına bilər. Quadrifoglio pərəstişkarları benzin mühərrikinin ənənəvi xarizmasını müasir texnologiya ilə birləşdirən çoxdan gözlənilən yeniləməni səbirsizliklə gözləyə bilərlər.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
