...Çin hökuməti işlənmiş bazarda “sıfır yürüşlü” avtomobillərin satışı təcrübəsinin artması fonunda əsas avtomobil istehsalçıları və sənaye assosiasiyalarının nümayəndələri ilə görüş təşkil edib.
SİA xəbər verir ki, nəşr edilən məlumatlara görə, çərşənbə axşamı baş tutan görüşə BYD, Dongfeng Motor kimi şirkətlər, eləcə də Çin Avtomobil İstehsalçıları Assosiasiyası (CAAM), Çin Avtomobil Satıcıları Assosiasiyası (CADA) və bir neçə əsas işlənmiş avtomobil satış platformasının nümayəndələri dəvət olunub.
Müzakirələrə keçən həftə Great Wall Motor-un sədri Vei Jianjun Sina Finance-ə verdiyi müsahibədə bəyan etdiyi açıqlama səbəb olub.
Onun sözlərinə görə, rəsmi olaraq satıldığı kimi siyahıya alınmış, lakin əslində istifadə olunmamış avtomobillərin – “sıfır yürüş” adlanan avtomobillərin satışı Çində geniş vüsət alıb. Belə avtomobillər qeydiyyata alınır, nömrələr verilir və sonra işlənmiş avtomobil bazarına çıxır.
Analitiklər hesab edirlər ki, bu mexanizm avtomobil istehsalçıları və dilerlər tərəfindən sənayedə uzun sürən qiymət rəqabəti fonunda şişirdilmiş satış planlarını yerinə yetirmək üçün istifadə olunur.
Bununla belə, yeni satışların və nəqliyyat vasitələrinin istifadəsinin faktiki həcmləri bildirilən rəqəmlərdən əhəmiyyətli dərəcədə aşağı ola bilər.
Birja reaksiyası dərhal olub: elandan dərhal sonra aparıcı Çin avtomobil istehsalçılarının səhmləri aşağı düşüb. BYD və Leapmotor səhmlərinin hər biri dəyərinin 3,1 faizini itirib, Hang Seng Avtomobil İndeksi isə 2 faizdən çox düşüb.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
