…Yaponiyada dünyanın ilk 3D çaplı qatar stansiyası yaradılıb.
SİA-nın məlumatına görə, bu barədə İndependent xəbər verir.
Qeyd edilir ki, ilk dəmir yolu stansiyası Yaponiyanın Osakanın cənubunda yerləşən Arida şəhərində 3D printerdə yaradılıb.
Yeni quruluş 75 ildən çox xidmət edən köhnə taxtanı əvəz edib.
Layihə Qərbi Yaponiya Dəmiryolu Şirkəti tərəfindən Serendix tikinti firması ilə birgə həyata keçirilib.
Kumamoto prefekturasındakı bir zavodda edilən bütün elementlərin çapı yeddi gün çəkib.
Daha sonra hissələr son qatarın yola düşməsi ilə birincinin gəlişi arasında cəmi altı saat fərqlə bir gecədə yığıldıqları yerə aparılıb.
Və nəticədə hündürlüyü 2,6 metr, sahəsi təxminən 9,3 kvadratmetr olan dəmir-beton stansiya yaranıb.
Stansiya yerli məhsulların rəmzi olan naringi və qın balığının təsvirləri ilə bəzədilib, zəlzələyə davamlıdır.
Həmçinin bildirilir ki, əsas binanın artıq hazır olmasına baxmayaraq, bilet aparatlarının və turniketlərin quraşdırılması davam edir.
Stansiyanın 2025-ci ilin iyul ayında sərnişinlərin istifadəsinə verilməsi planlaşdırılır.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB