“Mobil telefonlar müasir dövrdə insan həyatının ayrılmaz hissəsinə çevrilib”. Bunu SİA-ya açıqlamasında texnoloq Elvin Həsənov deyib.
Onun sözlərinə görə, 3 aprel tarixində qeyd olunan Beynəlxalq Mobil Telefon Günü bu texnologiyanın inkişafına və cəmiyyətə təsirinə həsr olunmuş əhəmiyyətli gündür: “1973-cü ilin məhz bu günü ilk mobil zəngin edilməsi ilə dünya yeni bir rabitə erasına qədəm qoydu. Belə ki, mobil telefon texnologiyasının inkişafı sürətli və fasiləsiz rabitəni mümkün edib. Təsəvvür edin 1G-dən 5G-yə qədər şəbəkə tutumunun inkişaf etməsi yalnız səsli zəng və mesajlaşma ilə məhdudlaşmayıb, eyni zamanda genişzolaqlı internet, video konfranslar, bulud texnologiyaları və süni intellektin tətbiqi ilə mobil cihazları çoxfunksiyalı platformaya çevirib. Deyərdim ki, bu gün mobil telefonlar təkcə ünsiyyət vasitəsi deyil, həm iş, təhsil, səhiyyə, bankçılıq və s. kimi sahələrdə əsas texnoloji alət rolunu oynayır. Artıq rəqəmsal transformasiya dövründə smartfonlar informasiya əldə etmək, IoT cihazlarını idarə etmək və hətta süni intellekt dəstəkli xidmətlərdən yararlanmaq üçün əsas interfeysə çevrilib. Lakin mobil texnologiyanın inkişafı ilə paralel olaraq, təhlükəsizlik və məxfilik məsələləri də aktuallaşıb. Kiberhücumlar, məlumat oğurluğu və fərdi məlumatların qorunması texnologiya şirkətləri və istifadəçilər üçün əsas problemlərdən biridir. Düşünürəm ki, gələcəkdə mobil rabitə texnologiyaları daha da inkişaf edərək kvant şəbəkələri, süni intellektlə idarə olunan cihazlar və holografik zənglər (görüntünün üçölçülü (3D) forması) kimi innovasiyaları dəstəkləyəcəyi gözlənilir. Beynəlxalq mobil telefon günü isə bu texnologiyaların nə qədər sürətlə inkişaf etdiyini və gündəlik həyatımıza necə təsir etdiyini xatırlamaq üçün vacib bir fürsətdir”.
Bütün xəbərlər Facebook səhifəmizdə
.jpg)
.jpg)
USD
EUR
GBP
RUB