Dünyada 2025-ci ilin ən yaxşı avtomobilləri açıqlanıb

…“Dünyada ilin avtomobili” müsabiqəsinin finalçıları bəlli olub. 2025-ci il üçün dünyanın ən yaxşı avtomobilləri aprelin 16-da Nyu-Yorkda keçiriləcək avtosalonda elan olunacaq.

SİA xəbər verir ki, bu barədə mükafatın saytında məlumat verilib.

Finalçılar 52 yarışan model arasından seçilib. Qələbə uğrunda üç krossover mübarizə aparacaq: BMW X3, Hyundai Inster/Casper Electric və Kia EV3.

Maraqlıdır ki, Cənubi Koreyanın hər iki modeli elektromobildir.

Müsabiqənin hər bir kateqoriyası üzrə üç finalçı da müəyyən edilib.

İlin ən yaxşı elektrik avtomobilləri:

-Hyundai Inster/Casper Electric;

-Kia EV3;

-Porsche Macan.

İlin ən yaxşı premium avtomobilləri:

-Porsche Macan;

-Porsche Panamera;

-Volvo EX90.

İlin ən yaxşı idman avtomobilləri:

-BMW M5;

-Porsche 911 Carrera GTS;

-Porsche Taycan Turbo GT.

Nazlı Almuradova

Bütün xəbərlər Facebook səhifəmizdə