Yapon avtomobil istehsalçısı Toyota-nın vətənində Crown Estate hibrid universalı təqdim olundu.
Avtomobilin uzunluğu 4930 mm, eni 1880 mm və hündürlüyü 1625 mm-dir ki, bu da onu markanın Yapon model diapazonunda RAV4 və Harrier arasında yerləşdirir.
SİA-nın məlumatına görə, Crown Estate beş oturacaqlı interyerə və 570 litrlik baqaj bölməsinə malikdir, arxa oturacaqların qatlanması ilə onu 1470 litrə qədər artırmaq olar.
Aktiv istirahəti sevənlər üçün aksesuarlar - əlavə açılan masa və stul, həmçinin baqaj üçün xüsusi yumşaq döşək var. Və həmçinin, idman kuzov dəsti və Modellista-dan 21 düymlük təkər diskləri də mövcuddur.
Avtomobil TNGA-K platformasında qurulub və daha yaxşı manevr, rahatlıq üçün adaptiv asma, həmçinin Dinamik Arxa Sükan sistemi ilə təchiz edilib.
İki konfiqurasiya mövcuddur - hibrid və plug-in hibrid.
Hər iki modifikasiyada iki elektrik mühərriki və tam ötürmə sistemi ilə tamamlanan 2,5 litrlik atmosferik benzin mühərriki istifadə olunur.
Hibrid versiyada mühərrik 188 at gücünə, plug-in hibriddə 174 at gücünə malikdir.
Plug-in hibrid versiyasının əsas üstünlüyü WLTC standartına uyğun olaraq 89 km-ə qədər elektrik məsafəsini təmin edən 51 Ah batareyadır.
Batareya döşəmənin altında yerləşir, bu da daxili məkanı azaltmır. Toyota Crown Estate-in yanacaq sərfiyyatı hibrid versiyada 5 l/100 km, plug-in hibriddə isə 4,9 l/100 km olaraq qeyd olunub. Yaponiyada yeni məhsul üçün sifarişlər artıq açıqdır. Hibrid versiya (təxminən 43 000 dollar), plug-in hibrid isə 8,1 milyon yendən (təxminən 54 700 dollar) başlayır.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB