...1996-cı il istehsalı olan Ferrari F355 superkarı Parisdə RM Sotheby's hərraca çıxarılıb.
SİA-nın məlumatına görə, satıcılar avtomobil üçün 7 qat Formula 1 çempionu Mixael Şumaxerə məxsus olduğu üçün çoxlu pul almağı planlaşdırırlar.
Bu barədə hərrac evinin saytında məlumat verilib. Avtomobil xüsusidir, çünki o, Mixael Şumaxer-in ilk Ferrarisidir.
Alman sürücü avtomobili 1996-cı ildə Formula 1-də Ferrari üçün yarışmağa başlayanda hədiyyə alıb.
Şumaxer Ferrari 355 GTS-in çıxarıla bilən damı olan tarqa versiyasını seçib.
Avtomobil qeyri-adi mavi rəngə boyanıb və salon ağ rəngə malikdir.
O, 3,5 litrlik 380 at qüvvəli V8 və 6 pilləli mexaniki transmissiya ilə təchiz edilib. Ferrari superkarı 100 km/saat həddinə 4,7 saniyəyə sürətlənir və maksimal sürəti 295 km/saat təşkil edir.
Avtomobil Şumaxerin meneceri Villi Veberin şirkətinə qeydiyyatdan keçib.
1996-1997-ci illərdə alman yarışçısı Monakoda yaşayarkən superkardan istifadə edib. Onun bu avtomobili idarə etdiyinə dair çoxlu fotolar var.
2002-ci ildə Ferrari 355 GTS superkarı satılıb, bundan sonra onun daha iki sahibi olub. Şumaxerin avtomobili jurnalların üz qabığında dəfələrlə görünüb və hətta oyuncaq miqyaslı model üçün əsas olub.
2024-cü ildə superkara texniki qulluq və bərpa işləri aparılıb.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB