...Çin Avtomobil İstehsalçıları Assosiasiyasının (CAAM) məlumatına görə, ölkədə əvvəlki illə müqayisədə 3,7 faiz və 4,5 faiz çox olmaqla 31,282 milyon avtomobil istehsal edilib və 31,436 milyon ədəd satılıb. SİA-nın məlumatına görə, ixrac 5,859 milyon avtomobilə (+19,3 faiz) çatıb.
...Çin artıq onuncu ildir ki, NEV (New Energy Vehicle) bazarında qlobal liderliyini qoruyub saxlayır. 2024-cü ildə istehsal həcmi 12,888 milyon ədəd, satış isə 2023-cü illə müqayisədə 34,4 və 35,5 faiz artaraq 12,866 milyon ədəd təşkil edib.
NEV-in ümumi satışlarda payı 9,3 faiz bəndi artaraq 40,9 faizə çatıb.
Eyni zamanda, elektriklə işləyən avtomobillər (BEV) satılan NEV-lərin ümumi sayının 60 faizni təşkil edib, hibridlər (PHEV) isə öz payını 40 faizə çatdırıb.
...Çinli avtomobil istehsalçıları da bazarda iştiraklarını artırmağa davam edirlər. 2024-cü ildə müstəqil markalı avtomobil satışları əvvəlki ilə nisbətən 23,1faiz artaraq 17,97 milyon ədədə çatıb.
Onların bazar payı ümumi minik avtomobillərinin satışının 65,2 faizni təşkil edib. Xarici bazarlara NEV nəqliyyat vasitələrinin tədarükü 987 mini BEV və 297 min PHEV (+190 faiz) daxil olmaqla 1,284 milyon ədədə (+6,7 faiz) çatıb.
TOP-10 ixrac brendləri arasında Chery (1,144 milyon ədəd), SAIC (929 min ədəd), Changan (536 min ədəd) və BYD (433 min ədəd) yer alıb. Qalan mövqeləri Geely, Great Wall Motor, BAIC, Tesla China, JAC və Dongfeng tutub.
CAAM analitiklərinin fikrincə, 2025-ci ildə Çin istehsal gücünü 32,9 milyon avtomobilə, NEV satışları 16 milyon ədədə, ixrac isə ilin sonuna qədər 6,2 milyon avtomobilə qədər artacaq.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB