...Volkswagen şirkəti IG Metall həmkarlar ittifaqı ilə 2030-cu ilə qədər Almaniyada 35 mindən çox işçini ixtisar edəcək razılaşma əldə edib.
Bundan əlavə, şirkətin bir neçə il üçün istehsal planları açıqlandı.
SİA-nın məlumatına görə, iş yerlərinin ixtisar edilməsi qərarı hər il əmək haqqına 1,5 milyard avro qənaət edəcək və eyni zamanda istehsal gücünü 734 min avtomobil azaldacaq. Beləliklə, Volkswagen ortamüddətli perspektivdə 15 milyard avrodan çox qənaət etməyi planlaşdırır. Bu vəsait yeni məhsul və texnologiyaların hazırlanmasına, o cümlədən elektromobillər xəttinin hazırlanmasına sərf olunacaq.
…Golf və Golf Estate modellərinin istehsalı 2027-ci ildə Meksikaya keçəcək.
Volfsburqdakı əsas zavod elektriklə işləyən Golf və ID.3 və Cupra Born modellərini onilliyin sonuna kimi istehsal etməyə başlayacaq.
Osnabrückdə T-Roc Cabrio-nun istehsalı 2027-ci ildə dayandırılacaq və hazırda bu zavodun gələcəkdə istifadəsi üçün mümkün variantlar müzakirə olunur.
Drezden qurğusu gələn ilin sonunda ID.3-ün montajını başa çatdıracaq və onun üçün alternativ əməliyyat ssenariləri də hazırlanır. Eyni zamanda Hannoverdə ID.Buzz və Multivan istehsalı davam edəcək.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB