Bu gün qrup mərhələsinə yekun vurulacaq - Millətlər Liqası

Bu gün UEFA Millətlər Liqasında qrup mərhələsinə yekun vurulacaq. SİA-nın məlumatına görə, A, B və C Liqalarında keçiriləcək 9 oyunla final və pley-off mərhələsinin bütün iştirakçıları bəlli olacaq.

A Liqasının 2-ci qrupunda Portuqaliya və İspaniya 1-ci yer, İsveçrə ilə Çexiya isə aşağı diviziona düşməmək uğrunda mübarizə aparacaq. Bu duellərdə Portuqaliya və İsveçrəni heç-heçə də qane edəcək. İspaniya və Çexiya isə mütləq qələbə qazanmalıdır.

B Liqasının 1-ci qrupunda Ukrayna millisi Polşada Şotlandiyanı qəbul edəcək. Nominal meydan sahibləri A Liqasına və pley-offa adlamaq üçün rəqibini məğlub etməlidir.

İsrailin liderliyi təmin etdiyi 2-ci qrupda bir görüş baş tutacaq. İslandiya səfərdə Albaniyanın qonağı olacaq.

4-cü qrupda Norveç yığması evdə Serbiya ilə qarşılşacaq. Hazırda hər iki kollektiv 10 xala malik olsa da, Skandinaviya təmsilçisi şəxsi oyunlarda üstünlüyü malik olduğundan ilk pillədə qərarlaşıb. Odur ki, serbiyalılar səfərdə mütləq qalib gəlməlidirlər. Qrupun digər matçında Sloveniya səfərdə İsveçlə qarşılşacaq. B Liqasında qalmaq üçün qonaqlara heç-heçə də kifayət edəcək.

Nəhayət, C Liqasının 2-ci qrupunda B Divizionuna və pley-offa vəsiqəni ötən tur təmin edən Yunanıstan seçməsi Şimali İrlandiyanı, Kosovo isə Kipri sınağa çəkəcək. Burada əsas mübarizə 3 komanda arasında C Liqasında qalmaq uğrunda gedəcək.

UEFA Millətlər Liqası

Qrup mərhələsi, VI tur

27 sentyabr

A Liqası

2-ci qrup

22:45. Portuqaliya - İspaniya

22:45. İsveçrə - Çexiya

Xal durumu: Portuqaliya - 10, İspaniya - 8, İsveçrə - 6, Çexiya - 4

B Liqası

22:45. Ukrayna - Şotlandiya

22:45. İrlandiya - Ermənistan

Xal durumu: Şotlandiya - 12, Ukrayna - 10, İrlandiya - 4, Ermənistan - 3

2-ci qrup

22:45. Albaniya - İslandiya

Xal durumu: İsrail - 8, İslandiya - 3, Albaniya - 1, Rusiya* - 0

4-cü qrup

22:45. İsveç - Sloveniya

22:45. Norveç - Serbiya

Xal durumu: Norveç - 10, Serbiya - 10, Sloveniya - 5, İsveç - 3

C Liqası

2-ci qrup

22:45. Yunanıstan - Şimali İrlandiya

22:45. Kosovo - Kipr

Xal durumu: Yunanıstan - 12, Kosovo - 6, Şimali İrlandiya - 5, Kipr - 5.

Bütün xəbərlər Facebook səhifəmizdə