“Qarabağ”da qol sayı 800-ə çatdı

“Qarabağ” Qurban Qurbanovun baş məşqçiliyi altında 800-cü qolunu vurub.

SİA-nın məlumatına görə, bu topa Rahil Məmmədov imza atıb.

O, Premyer Liqanın XIV turunun “Sabah”la səfər oyununda (2:1) hesabı açmaqla buna nail olub. 2008-ci ilin yayından Ağdam klubunu çalışdıran 49 yaşlı mütəxəssisin rəhbərliyi altında 541 matçda 801 qol vuran komandanın məhsuldarlığı 1,48-ə bərabərdir. Bu toplardan 585-i Premyer Liqa, 90-ı Azərbaycan kuboku, 126-sı avrokuboklara təsadüf edib.

Qeyd edək ki, “Qarabağ” Qurbanovun rəhbərliyi altında ilk qolunu 2008-ci il avqustun 9-da “Bakılı” ilə səfər oyununda (2:1) vurub. Bu qola Artim Şakiri imza atıb.

Bütün xəbərlər Facebook səhifəmizdə

loading...