İspaniya Superkubokunun qalibi müəyyənləşib.
SİA-nın məlumatına görə, həlledici qarşılaşma “Barselona” ilə “Atletik” arasında keçirilib.
Yarımfinalda müvafiq olaraq “Real Sosyedad” və “Real”ı mübarizədən kənarlaşdıran komandaların final dueli Sevilyada baş tutub. Maraqlıdır ki, bu günə qədər 3 dəfə Superkubokda meydana çıxan “Atletik” bunun hamısında “Barselona” ilə qarşılaşıb. 1983 və 2009-cu illərdə məğlub olan bilbaolular 2015-ci ildə titula sahib çıxıb. Komanda 1984-cü ildə isə qızıl dubl etdiyi üçün avtomatik Superkuboka layiq görülüb.
“Barselona” yarımfinalda olduğu kimi, bu dəfə də 120 dəqiqə mübarizə aparmalı olub. Çünki matçın əsas vaxtında tərəflər hərəyə iki dəfə fərqləniblər. Villiamsın 95-ci dəqiqədə vurduğu qol isə “Atletik”ə tarixində 3-cü dəfə Superkuboku qazandırıb. Kataloniyalıların heyətində kapitan Lionel Messi 120+1-ci dəqiqədə qırmızı vərəqə alıb.
İspaniya Superkuboku
Final
17 yanvar
“Barselona” – “Atletik” – 2:3
Qrizmann, 40, 77 – de Markos, 42, Vilyalibre, 90, Villiams, 94
Bütün xəbərlər Facebook səhifəmizdə
USD
EUR
GBP
RUB