Lənkəran şahmatçıları Kislovodsk şəhərində keçirilən "Kislovodsk open" Beynəlxalq Şahmat Festivalında uğurla çıxış ediblər. Lənkəran Şahmat Məktəbinin direktoru İdrak Dadaşovun SİA-nın cənub bürosuna verdiyi məlumata görə, 6 ölkədən-Rusiya, Ukrayna, Azərbaycan, Gürcüstan, Estoniya və Ermənistandan 80-ə yaxın zəka sahibinin qatıldığı turnirdə ölkəmizi Lənkəran Şahmat Məktəbinin 3 şahmatçısı təmsil edib.
Gənclər arasında yarışan Cavidan Babazadə 1-ci yeri tutmaqla festivalın kubokuna və diplomuna sahib çıxıb. Elnur Əliyev isə qrossmeystr və beynəlxalq dərəcəli ustaların yarışında 8-ci yeri tutmaqla pul mükafatına layiq görülüb.
Komandanın rəhbəri İdrak Dadaşov isə festivalda hakim qismində iştirak edib.
Əlavə edək ki, İ.Dadaşov gələn il FİDE-nin Polşada hakimlər üçün keçiriləcək seminarına dəvət alıb.
Bütün xəbərlər Facebook səhifəmizdə
USD
EUR
GBP
RUB