Topaz Premyer Liqasının 25-ci turu çərçivəsində keçirilən AZAL - "Neftçi" oyununda zədələnərək qarşılaşmanı yarımçıq tərk edən Taqim Novruzov üçün mövsüm bitib. SİA-nın məlumatına görə, dünən Mərkəzi Gömrük Hospitalında MRT müayinəsindən keçən futbolçu bəd xəbər alıb. Həkimlər ona "sağ diz oynağının çarpaz ön bağlarının tam qopması" diaqnozu qoyublar. Taqimin ən azı 6 ay yaşıl meydançaya çıxmayacağı dəqiqləşib. Klub rəhbərliyi hazırda onun əməliyyatı ilə bağlı məsələləri həll etməklə məşğuldur. Taqimin yaxın vaxtlarda Türkiyənin Ankara şəhərinə yollanacağı gözlənilir.
Bütün xəbərlər Facebook səhifəmizdə
USD
EUR
GBP
RUB