Hollandiya milli komandasının başa
çatan futbol üzrə Avropa Çempionatında göstərdiyi acınacaqlı nəticə,
artıq yeni baş məşqçi axtaışlarını gündəmə gətirib. Siasport.az saytı
xəbər verir ki, Hollandiya millisinin "Avro 2012"-də heç qruplardan belə
çıxa bilməməsi, keçirdiyi bütün oyunlarda məğlub olması, baş məşqçi
Bert Van Marwijkin istefaya getməsi ilə nəticələndi. Hollandiya futbol
ictimaiyyəti isə indi kimin Hollandiya millisinin sükanı arxasına
keçəcəyi ilə bağlı müzakirələr aparır. Hollandiya futbolunun canlı
əfsanələrindən sayılan Yohann Kruyff hesab edir ki, hazırkı məqamda məhz
Frank Raykaard milli komandanı bu vəziyyətdən qurtara bilər. Hollandiya
mediyasına açıqlama verən canlı futbol əfsanəsi bildirib ki, indi milli
komandada ciddi islahatlara ehtiyac var və bu işi "Barselona"ya uğurlar
qazandıran F.Raykaard bacara bilər.O, tezliklə "Qalatasaray"ın keçmiş
baş məşqçisi ilə danışıqlara başlamaq barədə Hollandiya Futbol
Federasiyasına da müraciət göndərib.
Bütün xəbərlər Facebook səhifəmizdə
USD
EUR
GBP
RUB