.jpg)
"Macarıstanda keçirilən cüdo üzrə dünya çempionatında Azərbaycan milli komandası üçün nəticələr həm uğurlu, həm də gözlənilməz oldu. Yarışa böyük ümidlərlə yollanan yığmamız, bəzi əsas idmançılardan gözlənilən nəticəni ala bilmədi. Ən çox diqqət çəkən məqamlardan biri isə 73 kq çəki dərəcəsində çıxış edən, dünya və Avropa çempionu Hidayət Heydərovun ilk mərhələdə yarışdan kənar qalması oldu". Bu sözləri SİA-ya açıqlamasında paralimpiyaçı cüdoçu İlham Zəkiyev deyib.
.jpg)
Onun sözlərinə görə, Heydərov portuqaliyalı Otari Kvantidze ilə görüşdə şido (cəza) ilə məğlub olaraq gözlənilməz şəkildə mübarizəni erkən dayandırdı. Bu məğlubiyyət onun 22 ay davam edən və 21 görüşlük ardıcıl qələbə seriyasına son qoydu və milli komanda üçün böyük təəssüf doğurdu: "Bununla belə, komandamız üçün təsəlliverici nəticə 81 kq çəki dərəcəsində çıxış edən Zelim Tçkayevdən gəldi. O, uğurlu çıxışı ilə bürünc medal qazandı. Yarımfinalda məğlub olmasına baxmayaraq, təsəlliverici görüşdə Birləşmiş Ərəb Əmirliklərindən olan rəqibi Nuqzari Tatalaşviliyə qarşı qızıl xal hesabı ilə qalib gələrək dünya çempionatında üçüncü yeri tutdu. Bu medal həm komandanın medal hesabını açdı, həm də Azərbaycanı turnirin ilk 15 komandası sırasında qərarlaşdırdı.
Ümumilikdə, milli komandanın çıxışı birmənalı qiymətləndirilmir. Hidayət Heydərov kimi aparıcı idmançının erkən mərhələdə yarışdan çıxması gözləntiləri alt-üst etsə də, Tçkayevin qazandığı medal komandaya ruh verdi. Cüdo Federasiyası və məşqçilər heyəti bu nəticələri ciddi analiz edərək qarşıdakı yarışlarda daha güclü çıxış üçün hazırlıqların gücləndiriləcəyini bildirib. Bu çempionat, həm zəif cəhətləri görmək, həm də gələcək üçün strategiyanı düzgün qurmaq baxımından mühüm bir sınaq oldu".
Bütün xəbərlər Facebook səhifəmizdə
.jpg "İranı kim silahlandırır? - ŞOK ADLAR")
.jpg)
.jpg)
USD
EUR
GBP
RUB