Arıqlama məqsədilə sosial şəbəkələrdə reklam olunaraq satılan çay, qəhvə və kapsul formasında bioloji aktiv qida məhsulları ilə bağlı Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər zamanı ciddi qanun pozuntuları müəyyən edilib.
SİA-nın AZƏRTAC-dan əldə etdiyi məlumata görə, bu barədə AQTA-nın İnformasiya təminatı və innovativ həllər şöbəsindən məlumat verilib.
Bildirilib ki, monitorinqlər çərçivəsində "Slimluxcoffee_ariqladici_kofe", "Vellara.baku" və "Spirulina_azerbaijan_official" "Instagram" sosial şəbəkə hesablarından əldə edilən məhsul nümunələri laborator müayinələrə cəlb olunub. Nəticələrə əsasən, "SLT Slim Lux Coffee Premium" (fındıqlı), "SLT Slim Lux Coffee Premium", "Good Lux Green Coffee", "Green Good Lux Slimming Coffee" (fındıqlı), "Green Good Lux Slimming Capsules", "Saffren Dietary Supplement", "Spirulina" "Vellara Form Coffee" və "Vellara Form Tea" məhsullarında qida məhsullarında istifadəsinə yol verilməyən insan sağlamlığı üçün təhlükəli sibutramin maddəsi aşkarlanıb.
Vurğulanıb ki, sibutramin ürək-damar sistemi xəstəlikləri, infarkt və insult riskini artırır, eyni zamanda, ciddi psixi pozuntulara səbəb ola bilər. Sibutraminin qida məhsullarının, eləcə də dərman vasitələrinin tərkibində istifadəsi Azərbaycanda qadağandır.
Araşdırmalar zamanı müəyyən edilib ki, sözügedən məhsullar ölkəyə şəxsi istifadə məqsədilə gətirilsə də, sonradan sosial şəbəkələr üzərindən qanunsuz satışa çıxarılıb. Bu məhsulların ölkəmizə idxalına qadağa qoyulması ilə bağlı istehsalçı ölkənin səlahiyyətli qurumlarına da rəsmi müraciət ünvanlanıb.
Faktlarla bağlı qanunvericiliyə uyğun müvafiq tədbirlər görülməsi üçün aidiyyəti qurumlara, o cümlədən hüquq-mühafizə orqanlarına məktublar göndərilib.
Sibutramin maddəsi aşkarlanan məhsulların siyahısı:
|
№ |
Məhsulun adı |
İstehsal tarixi / Son istifadə müddəti |
Partiya nömrəsi |
İstehsalçı |
|
1 |
SLT Slim Lux Hazelnut Coffee Premium |
10.2024 - 08.2027 |
102024 |
“Ella Kozmetik” LTD ŞTİ |
|
2 |
SLT Slim Lux Coffee Premium |
04.2025 - 09.2028 |
012024 |
Ella Kozmetik LTD ŞTİ |
|
3 |
Good Lux Green Coffee |
04.2026 - 04.2029 |
042026 |
Ella Kozmetik LTD ŞTİ |
|
4 |
Green Good Lux Hazelnut Coffee |
03.2025 - 03.2028 |
032025 |
Ella Kozmetik LTD ŞTİ |
|
5 |
SLT Slim Lux Coffee Premium |
01.2026 - 01.2029 |
012026 |
Ella Kozmetik LTD ŞTİ |
|
6 |
Green Good Lux Slimming Capsules |
01.09.2025 - 01.10.2028 |
4663010124 |
Ella Kozmetik LTD ŞTİ |
|
7 |
Vellara Form Coffee |
10.2025 - 10.2028 |
102025-01 |
Yaser İlaç İthalat İhracat Sanayi Ticaret Limited Şirketi |
|
8 |
Vellara Form Tea |
10.2025 - 10.2028 |
102025-01 |
Yaser İlaç İthalat İhracat Sanayi Ticaret Limited Şirketi |
|
9 |
Spirulina |
10.01.2025 - 09.01.2028 |
- |
- |
|
10 |
Saffren Dietary Supplement |
02.2025 - 02.2028 |
- |
- |
AQTA vətəndaşları sosial şəbəkələr vasitəsilə qanunsuz satılan, heç bir sənədi mövcud olmayan, mənşəyi və təhlükəsizliyi barədə etibarlı məlumat təqdim olunmayan “arıqlama” məhsullarından istifadə etməməyə çağırır.
Bu barədə daha ətraflı link vasitəsilə tanış ola bilərsiniz.
Bütün xəbərlər Facebook səhifəmizdə
.jpg)
USD
EUR
GBP
RUB
