...Sidney Universitetinin alimləri spirtli içki qəbul etdikdən sonra bir çox insanın duzlu və yüksək kalorili qəlyanaltılara - məsələn, çips, kartof qızartması və pizzalara olan istəyinin niyə artdığını aşkar ediblər.
SİA xəbər verir ki, tədqiqatın nəticələri Obesity Reviews jurnalında dərc edilib.
Müəlliflərə görə, iştahanı və bədənin zülala olan ehtiyacını tənzimləməkdə iştirak edən FGF21 hormonu bu prosesdə əsas rol oynayır.
Alkoqolun təsiri altında onun səviyyəsi yüksəlir və bu da ət, pendir, eləcə də digər protein qidalarına xas olan güclü umami dadı olan qidalara olan istəyi artırır.
Tədqiqatçıların qeyd etdiyi kimi, problem ondadır ki, ultra emal olunmuş qidalar bu dadı "təqlid edə" bilər.
Çips, qəlyanaltı və pizzanın zəngin ət və ya pendir profili var, lakin nisbətən az protein ehtiva edir.
Nəticədə, bədən qida çatışmazlığı siqnalını verməyə davam edir və insan hiss olunmadan ümumi kalori, yağ və karbohidrat qəbulunu artırır.
Avstraliyada Milli Qidalanma Sorğusunun məlumatların təhlili göstərib ki, spirtli içki qəbul etdiyi günlərdə iştirakçılar həqiqətən də daha çox duzlu qidalar seçir və ümumilikdə daha çox enerji sərf edirlər.
Eyni zamanda, şirniyyata olan istək azalıb.
Tədqiqatın müəllifləri içki qəbul etdiyi günlərdə yeməkləri əvvəlcədən planlaşdırmağı və balıq, dəniz məhsulları və ya paxlalılar kimi yüksək proteinli qəlyanaltılar seçməyi tövsiyə edirlər.
Onlar inanırlar ki, bu, həddindən artıq yemək və ultra emal olunmuş qidalara olan istək riskini azaltmağa kömək edə bilər.
Əli Babayev
Bütün xəbərlər Facebook səhifəmizdə
USD
EUR
GBP
RUB