Məlum olub ki, viruslar heyvandan insanlara deyil, insanlardan heyvanlara yoluxur. SİA bu barədə Türkiyə saytlarına istinad edir.
"London Universitet Kolleci"ndə (UCL) aparılan araşdırmada tədqiqatçılar virusların növlər arasındakı yoluxmasını araşdırmaq üçün qlobal məlumatlardan istifadə ediblər.
Təxminən 12 milyon ardıcıl məlumatlardan istifadə edilən araşdırmaya görə, virusların insanlarla heyvanlar arasında hərəkət etdiyi halların 64 faizində insanlardan heyvanlara yoluxduğu ortaya çıxıb.
Tədqiqat qrupunda işləyən bioloq Cedrik Tan "Biz heyvanlara onların bizə verdiklərindən daha çox virus yayırıq" deyib.
C.Tan buna nümunə kimi isə yeni növ koronavirusun (Covid-19) insanlara ötürüldükdən sonra daha sürətli yayıldığını göstərib.
Alim bu məlumatın əldə olunmasının səbəbini insan əhalisinin çox olması və bütün dünyaya yayılması ilə əlaqələndirib və komanda olaraq bu nəticəni gözləmədiklərini, ancaq "geriyə baxdıqda məntiqli" olduğunu qeyd edib.
C.Tan virusların insanlardan heyvanlara yayılmasının nəsli kəsilməkdə olan bir çox növ üçün təhlükə yaratdığını da vurğulayıb.
Araşdırma "Nature Ecology and Evolution" jurnalında dərc olunub.
Bütün xəbərlər Facebook səhifəmizdə
USD
EUR
GBP
RUB