"Əsrin müqaviləsi" Heydər Əliyevin uzaqgörən siyasəti sayəsində ərsəyə gəlib

"Əsrin müqaviləsi"nin Azərbaycanın ictimai-siyasi həyatındə müstəsna xidmətləri olub. SİA xəbər verir ki, bu sözləri Energetika naziri Pərviz Şahbazov “Əsrin müqaviləsi”nin 25 illiyi ilə bağlı sentyabrın 19-da Yeni Azərbaycan Partiyasının İcra Katibliyində keçirilən mətbuat konfransında deyib.

Nazir qeyd edib ki, bu tarixi müqavilə ulu öndər Heydər Əliyevin uzaqgörən siyasəti sayəsində ərsəyə gəlib. "Əsrin müqaviləsi"nin Azərbaycanın ictimai-siyasi həyatındə müstəsna xidmətləri olub. Bu müqavilə nəticəsində Xəzərin karbohidrogen resurslarının beynəlxalq bazarlara nəqli başlayıb.

"İndiyədək "Azəri-Çıraq-Günəşli" (AÇG) layihəsinə 36 milyard dollar sərmayə qoyulub. Prezident İlham Əliyevin iştirakı ilə "Əsrin meqaviləsi"nin müddəti 2049-cu ilədək uzadılıb. Bu layihə sayəsində Azərbaycan indiyədək 143 milyard dollar gəlir əldə edib. AÇG üzrə bu vaxtadək 492 milyon ton neft, 161 milyard kubmetr qaz hasil edilib. Cari ilin ötən dövründə isə ölkədə 25,1 milyon ton neft çıxarılıb və bu həcmin 20,9 milyon tonu ixrac edilib. Respublika üzrə gündəlik neft hasilatı sutkada 765 min barrel olub", - deyə P.Şahbazov vurğulayıb.

Ceyhun RASİMOĞLU

Bütün xəbərlər Facebook səhifəmizdə

loading...