ABŞ Prezidenti Cozef Bayden Konqresə Əfqanıstanın “NATO üzvü olmayan əsas müttəfiq” statusundan çıxarılacağı barədə məlumat verib.
SİA-nın rus saytlarından əldə etdiyi məlumata görə, Bayden bu qərarını ABŞ Konqresinin Nümayəndələr Palatasının sədri Nensi Pelosiyə yazdığı məktubda bildirib.
Bayden məktubunda “1961-ci il tarixli Xarici Yardımlar üzrə qanunun 517-ci maddəsinə uyğun olaraq Əfqanıstanı NATO üzvü olmayan əsas müttəfiq statusundan çıxarmaq niyyətimi bununla sizə bildirirəm” ifadəsini işlədib.
Qeyd edək ki, Əfqanıstan ABŞ-ın 44-cü Prezidenti Barak Obama tərəfindən 2012-ci ildə “NATO üzvü olmayan əsas müttəfiq” kimi tanınıb.
ABŞ-ın bu günə qədər “NATO üzvü olmayan əsas müttəfiq” kimi tanıdığı 20 ölkə var.
1987-ci ildə ölkədə ilk dəfə qəbul edilən qanunla o zamankı ABŞ Prezidenti Ronald Reyqan Avstraliya, Misir, İsrail, Yaponiya və Cənubi Koreyanı bu kateqoriyaya daxil edib.
Körfəz regionundan isə Bəhreyn və Küveyt ABŞ-ın keçmiş prezidentlərindən Corc Buş tərəfindən bu kateqoriyaya daxil edilib.
Son olaraq ABŞ Prezidenti Bayden Qətər və Kolumbiyanı bu kateqoriyaya salıb.
Bütün xəbərlər Facebook səhifəmizdə
USD
EUR
GBP
RUB