Türkiyə Silahlı Qüvvələrinin Suriyanın şimalında həyata keçirdiyi "Sülh çeşməsi", "Fərat qalxanı" və "Zeytun budağı" əməliyyatları bölgələrində təcavüz atəşi açan bölücü terror təşkilatı PKK/YPG üzvü 12 terrorçu zərərsizləşdirilib. SİA bu barədə Türkiyə mətbuatına istinad edir.
Milli Müdafiə Nazirliyinin rəsmi sosial media hesabından edilən paylaşımda "Suriyanın şimalında hücuma cəhd edən terrorçuları xəndəklərdə basdırmağa davam edirik! "Sülh çeşməsi, "Fərat qalxanı" və "Zeytun budağı" bölgələrində təcavüz atəşi açan daha 12 PKK/YPG terrorçusu komandolarımızın uğurlu müdaxiləsi ilə zərərsizləşdirilib" deyilib.
Digər tərəfdən, "Eren-qış" əməliyyatları çərçivəsində aralarında PKK-nın Ağrı dağı bölgəsindən məsul dırnaqarası rəhbərinin də olduğu 11 terrorçu zərərsizləşdirilib.
Fevralın 19-da Daxili İşlər Nazirliyinin koordinasiyası ilə Ağrı dağının kənd ərazilərində “Eren qış-9” əməliyyatına start verilib.
Əməliyyatda 1592 şəxsi heyət və 82 komanda iştirak edib.
Həyata keçirilən əməliyyat çərçivəsində terrorçuların istifadə etdiyi uzunluğu təxminən 100 metr, dərinliyi 28 metr olan mağara aşkar edilib. Terrorçuların mağaraya sığındıqları müəyyən edildikdən sonra əməliyyata başlanılıb.
28 bunker, anbar və sığınacaqların dağıdıldığı əməliyyatda terrorçulara məxsus külli miqdarda silah, sursat, qida və məişət materialları və təşkilati sənədlər ələ keçirilib.
Bütün xəbərlər Facebook səhifəmizdə
USD
EUR
GBP
RUB