Qətərin baş naziri və xarici işlər naziri Məhəmməd bin Əbdürrəhman Əl Casim və Böyük Britaniyanın xarici işlər naziri Ceyms Kleverli ikitərəfli əməkdaşlıq və regiondakı prosesləri müzakirə ediblər.
SİA xarici qaynaqlara istinadən xəbər verir ki, Qətərin rəsmi QNA xəbər agentliyinin yaydığı məlumata əsasən,
Məhəmməd bin Əbdürrəhman Əl Casimin rəhbərlik etdiyi nümayəndə heyəti Qətərin paytaxtı Dohaya səfər edən Ceyms Kleverli ilə görüşüb.
Görüş zamanı ikitərəfli əməkdaşlığa dair məsələlər və növbəti strateji dialoqa hazırlıq mövzusu müzakirə edilib.
Görüşdə həmçinin bölgədəki vəziyyət, o cümlədən İranla nüvə razılaşması, Fələstin məsələsi və Suriya ilə Əfqanıstandakı proseslər müzakirə olunub. Tərəflər İordan çayının qərb sahilindəki vəziyyətə görə narahat olduqlarını ifadə ediblər.
Məlumata görə, Ceyms Kleverli Dohaya etdiyi səfər zamanı Qətərin Baş nazirinin müavini və müdafiə üzrə dövlət naziri Xalid bin Məhəmməd əl-Atiyye ilə də görüşüb.
Qeyd edək ki, Ceyms Kleverli Qətərdən sonra Küveyt və İordaniyaya da səfər edəcək.
Bütün xəbərlər Facebook səhifəmizdə
USD
EUR
GBP
RUB