Sudanda 13,6 milyon uşağın humanitar yardıma ehtiyacı olduğu bildirilib.
SİA-nın əldə etdiyi məlumata görə, Birləşmiş Millətlər Təşkilatının (BMT) sözçüsü Stefan Dujarrik gündəlik mətbuat konfransında BMT-nin Uşaq Fondunun (UNICEF) Sudanla bağlı verdiyi məlumatı çatdırıb.
Sudanda milyonlarla uşağın ölkədə davam edən qarşıdurmalardan təsirləndiyini bildirən Dujarrik aprelin ortalarından başlayan qarşıdurmalardan bu yana 70 uşağın həyatını itirdiyini bildirib.
UNİCEF və Beynəlxalq Qızıl Xaç Komitəsinin paytaxt Xartumdakı uşaq evindən 300-ə yaxın uşağı təhlükəsiz bölgələrə təxliyə etdiyini bildirən Dujarrik, uşaqlar üçün himayədar ailələrin axtarıldığını qeyd edib.
Digər tərəfdən, Dujarrik BMT və humanitar yardım işçilərinin Sudanda əməliyyatlarını və maneələrin aradan qaldırılması üçün Sudan səlahiyyətliləri ilə danışıqların davam etdiyini bildirib.
Bütün xəbərlər Facebook səhifəmizdə
USD
EUR
GBP
RUB