\"Son günlər cənubdan hərəkət edən isti hava kütlələrinin ölkə ərazisinə daxil olması nəticəsində hava şəraiti anomal isti keçir. Bu hava şəraiti iyunun 18-nə kimi davam edəcək\". Bu barədə SİA-ya Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev bildirib.
Onun sözlərinə görə, yaxın 2 gün ərzində hava şəraitində mühüm dəyişiklik gözlənilmir, yağmursuz və anomal isti hava davam edəcək. Bakı və Abşeron yarımadasında gündüz saatlarında havanın temperaturu 35-38 təşkil edəcək, yarımadanın bəzi yerlərində 40 dərəcəyədək yüksələcək. Yaxın 2 gün ərzində paytaxtda əsasən mülayim cənub şərq küləyi əsəcək.
Respublikanın Aran rayonlarında da, eyni zamanda Naxçıvan Muxtar Respublikasının bəzi rayonlarında maksimal temperatur 35-40 dərəcə intervalında dəyişəcək.
İyunun 17-dən hava şəraitinin dəyişiləcəyi gözlənilir. Belə ki, iyunun 17-dən başlayaraq temperatur tədricən enəcək. Şimal küləyinin sürəti nisbətən artacaq və bu səbəbdən temperatur 30-34 dərəcə intervalında dəyişəcək. İyunun 18-də hava şəraiti daha da sərinləşəcək, küləkli hava davam edəcək. Havanın temperaturu paytaxtda 26-29 dərəcə olacaq. Nisbətən sərin hava iyunun 20-dək davam edəcək.
Respublikanın rayonlarında da iyunun 17-dən 19-u gündüzədək qeyri-sabit hava şəraiti müşahidə olunacaq, bəzi rayonlarda axşam və gecə saatlarında yağış yağacağı, dağlıq və dağətəyi rayonlarda leysan xarakterli olacağı gözlənilir.
Bütün xəbərlər Facebook səhifəmizdə
.jpg "“Qarabağ” NƏYİ BACARDI?")
.jpg "Qatarlar Ermənistana gedir - Sarkisyan \"bunt\" qaldırdı")
.jpg)
USD
EUR
GBP
RUB