Oruc Zalov qeyd edib ki, tədbirlər planında seçkinin gedişatında əsassız müdaxilələrin qarşısının alınması, səsvermə hüququ olan vətəndaşların hüquqlarının təmin edilməsi nəzərdə tutulub: "Bundan başqa vətəndaşların seçkidə iştirakının təmin edilməsi üçün şəxsiyyət vəsiqələrinin verilməsi prosesi oktyabr ayının sonuna qədər yekunlaşdırılacaq. Hazırda "ASAN" xidmətlə yerlərdə bu sahədə işlər həyata keçirilir. Əhalinin miqrasiyası bağlı seçki komissiyasına edilən müraciətlər əsasında polis seçici siyahılarının dəqiqləşdirilməsi üçün bütün yardımları göstərəcək. Bununla bağlı polislərlə treninqlər də keçirilməsi nəzərdə tutulub".
O. Zalov vurğulayıb ki, hər bir namizədin seçiciləri ilə görüşünə bütün şərait yaradılacaq: "Polis həmin görüşlər zamanı təhlükəsizliyi təmin edəcək. Ancaq razılaşdırılmamış yerlərdə tədbirlər keçirilsə, seçki məcəlləsinin tələblərinə zidd şüarlar səsləndirilsə polis anında bunun qarşısını alacaq. Azərbaycanda mövcud ictimai-siyasi sabitlik imkan verir ki, seçkilər yüksək səviyyədə keçirilsin, seçilənin və seçənin hüquqları qorunsun. Parlament seçkiləri günü tam gücləndirilmiş iş rejimində çalışacağıq və bütün mühafizə tədbirləri təşkil olunacaq".
İntizarə Məmmədova
Bütün xəbərlər Facebook səhifəmizdə
USD
EUR
GBP
RUB