"Türkiyə ilə Azərbaycan arasında olan münasibətlər ən yüksək səviyyədədir. Bu baxımdan da iki dövlətinin birgə həyata keçirdiyi genişmiqyaslı hərbi təlimlər heç kim tərəfindən təəccüblə qarşılanmamalıdır". Bunu SİA-ya millət vəkili Fəzail İbrahimli Ermənistanın bu təlimlərdən narahatlıq keçirməsi məsələsinə aydınlıq gətirərkən deyib.
Millət vəkilinin fikrincə, Ermənistan bu təlimlərə görə deyil, işğal etdikləri torpaqlara görə narahat olmalıdır: "Rusiyanın sözü ilə oturub-duran bir dövlətin narahatçılq keçirməsi təbiidir. Onlar bilirlər ki, Dağlıq Qarabağ münaqişəsi gec-tez öz həllini tapacaq. Azərbaycanın hərbi potensialı çox güclüdür və işğalçı dövlətlə üz-üzə gələrsə, qısa müddət ərzində işğal olunmuş torpaqlarını geri qaytarmağa qadirdir".
Millət vəkili qeyd edib ki, Azərbaycan ilə Türkiyə arasında hərbi münasibətlər də çox yüksək səviyyədədir: "Bunu ermənilər də yaxşı anlayır. Hesab edirəm ki, bu bir başlanğıcdır. Hazırda ağır vəziyyyətdə olan Ermənistanı qarşıda bundan da pis günlər gözləyir".
Bütün xəbərlər Facebook səhifəmizdə
USD
EUR
GBP
RUB