Konfrans iştirakçıları əvvəlcə Ümummilli Lider Heydər Əliyevin rayondakı abidəsinin önünə gül dəstələri düzüblər.
Daha sonra təbir iştirakçıları Lökbatan qəsəbəsində fəaliyyət göstərən Heydər Əliyev Mərkəzinin foyesində Xocalı soyqırımı ilə bağlı sərgiyə baxıblar. Xocalı ilə bağlı film nümayiş etdirildikdən sonra konfransı Qaradağ Rayon İcra Hakimiyyətinin başçısı Süleyman Mikayılov açıb.
Sonra söz Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri Əli Həsənova verilib. Əli Həsənov vurğulayıb ki, Xocalı soyqırımı ermənilərin azərbaycanlılara qarşı 200 ildən artıq məqsədyönlü şəkildə həyata keçirdikləri siyasətin ən faciəli səhifəsidir.
1998-ci ildə Prezident Heydər Əliyevin Fərmanı ilə 31 martın azərbaycanlıların Soyqırımı günü elan edildiyini bildirən Əli Həsənov deyib: "Lakin azərbaycanlılara qarşı törədilmiş soyqırımılarından ən dəhşətlisi 1992-ci il fevralın 26-da Xocalıda baş vermişdir. Bu gün Xocalı soyqırımı ayrı-ayrı dünya ölkələri, nüfuzlu beynəlxalq qurumlar, ABŞ-ın 20-yə yaxın ştatı tərəfindən tanınmışdır. Təkcə İslam Əməkdaşlıq Təşkilatının Xocalı soyqırımını tanıması o deməkdir ki, təşkilata üzv olan 56 ölkə də bu faciəni soyqırımı kimi qəbul edir".
Prezident Administrasiyasının rəsmisi vurğulayıb ki, bu hadisə ilə bağlı Azərbaycan hökumətinin vahid siyasəti var və bu siyasətin mahiyyəti ondan ibarətdir ki, belə faciələrin gələcəkdə təkrarlanmaması və onu törədənlərin bəşəriyyətin yaddaşında əbədi həkk olunması üçün soyqırımı ilə bağlı reallıqlar dünya ictimaiyyətinə çatdırılmalı, həmçinin qiymətləndirilməlidir.
Digər çıxışlardan sonra beynəlxalq konfrans işini bölmə iclaslarında davam etdirib.
Bütün xəbərlər Facebook səhifəmizdə
USD
EUR
GBP
RUB